Sınoptıkter 27 sáýirge arnalǵan aýa raıy boljamyn jarııalady, dep habarlaıdy Egemen.kz.
«Respýblıka aýmaǵynyń basym bóliginde ashyq, jaýyn-shashynsyz aýa raıy bolady, tek elimizdiń soltústiginde, ońtústiginde, ońtústik-shyǵysynda jańbyr, Jambyl oblysynyń taýly aýdandarynda qatty jańbyr jaýady. Qazaqstan boıynsha jel kúsheıip, Qazaqstannyń ońtústik-batysynda shańdy daýyl soǵyp, ońtústik óńirlerde naızaǵaı oınaıdy, daýyl soǵady», delingen «Qazgıdromet» RMK habarlamasynda.
Túrkistan oblysynyń taýly, taý bókterli aýdandarynda naızaǵaı, daýyl bolyp, jel 15-20 m/s kúsheıedi.
Jambyl oblysynyń ońtústiginde, soltústik-shyǵysynda, taýly aýdandarynda naızaǵaı, burshaq bolyp, taýly aýdandarda jel 15-20 m/s kúsheıedi.
Kúndiz Qyzylorda oblysynyń ortalyǵynda, Mańǵystaý oblysynyń ońtústiginde, ortalyǵynda jel 15-20 m/s kúsheıip, shańdy daýyl soǵady.
Kúndiz Soltústik Qazaqstan oblysynyń basym bóliginde, Qostanaı oblysynyń soltústiginde, Batys Qazaqstan oblysynyń ońtústik-batysynda, Atyraý oblysynyń batysynda, ortalyǵynda, Almaty oblysynyń shyǵysynda jel 15-22 m/s kúsheıedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.