2022 jyly Qaraǵandy oblysynyń emhanalaryna mektepter men balabaqshalarda medısınalyq kómek uıymdastyrýǵa 1 mlrd 601 mln teńge bólý josparlanǵan, dep habarlaıdy Egemen.kz.
Oqý jáne tárbıe mekemelerine bekitilgen emhanalar balalardyń densaýlyǵyn saqtaý jáne nyǵaıtý, olardyń arasynda syrqattanýshylyqty azaıtý jónindegi is-sharalardy júrgizedi.
Mysaly, Prıshahtınskidegi emhananyń birine 8 mektep tirkelgen. Olardyń árqaısysynda medpýnkt jabdyqtalǵan. Onda jyl boıy profılaktıkalyq egýler men qaýip tobyndaǵy balalarǵa týberkýlın dıagnostıkasy josparlanǵan. Mektep oqýshylaryna tereńdetilgen medısınalyq tekserý uıymdastyrylǵan. Sondaı-aq medbıkeniń mindetine pedagogter ujymyna, mektep qyzmetkerlerine jáne ashana qyzmetkerlerine jumysqa ruqsat alý úshin sanıtarlyq kitapshalardy baqylaý kiredi.
«Mektepterdegi barlyq medısına qyzmetkerleri maman sertıfıkatyna ıe, «Bilim berý obektileriniń meıirbıkesiniń shuǵyl kómek kýrsymen jumysy» mamandyǵy boıynsha biliktilikti arttyrý kýrstarynda oqýdan ótti, sondaı-aq jyl saıyn profılaktıkalyq egýlerdi júrgizýge jáne mantý reaksııasynyń synamasyn qoıýǵa ruqsat berýmen attestattaý ótkiziledi», deıdi emhana basshysy Indıra Madııarova.
Oqý jylynyń basynan bastap emhana mamandary bir jarym myńǵa jýyq mektep oqýshysyn tekserdi, 88 bala nevropatologtyń tolyq tekserýine jiberildi, 242 bala endokrınologtyń usynymy boıynsha tekserýden ótýi tıis.
Aıana Toǵanbek