Jalǵan memlekettik nómirlermen júrgen júrgizýshiler «Sergek» júıesindegi jańa fýnksııanyń kómegimen ustalyp, kólikteri aıyppul turaǵyna qoıyldy, dep habarlaıdy Egemen.kz.
Polısııanyń málimetinshe, ótken táýlikte «Qorǵaý Sergek» júıesi jalǵan nómirlermen júrgen 11 júrgizýshini anyqtaǵan.
«О́tken kúni olar jalpy somasy 12 mln teńgege 790 quqyq buzýshylyq jasady. Avtokólikter ustalyp, arnaıy aıyppul turaǵyna qamaldy. Jol erejesin 92 ret buzǵan júrgizýshige aıyppul salyndy. Aıyppul somasy 1 mln 541 myń teńgeni qurady», dedi Almaty qalasy PD JPQ basqarmasynyń bastyǵy Manap Sattarov.
Sonymen qatar polısııa arnaıy dybystyq jáne daýys zoraıtqysh sıgnaldardy qoldanǵan eki júrgizýshi men jeti mas júrgizýshini ustady.
Jyl basynan beri jalǵan nómir qoldanǵany úshin 171 júrgizýshige aıyppul salynǵan. «Qorǵaý Sergek» júıesi 2021 jyldyń qarasha aıynan bastap paıdalanylady.
Aıana Toǵanbek