Beısenbiden bastap Qytaı astanasyndaǵy mektepterde sabaq berý toqtatyldy. Bul shekteýler qaýipti vırýstyń taralýyn toqtatý maqsatynda engizildi, dep habarlaıdy Egemen.kz.
Búgin tańerteń beıjińdik Chaoıan aýdanyndaǵy jekemenshik mektepterde bilim alýshylardyń ata-analaryna oqý oryndary qashyqtan oqytý rejımine kóshkeni týraly shuǵyl habarlama keldi.
Jergilikti BAQ-tyń habarlaýynsha, sársenbiden bastap mundaı sharalar qalanyń basqa aýdandaryndaǵy birqatar bastaýysh jáne orta mektepterde engizile bastaıdy. Sondaı-aq Týnchjoý aýdanyndaǵy balabaqshalar jumysy toqtatylǵan.
27 sáýirdegi jaǵdaı boıynsha, mektep oqýshylary arasynda COVID-19 ınfeksııasyn juqtyrý oqıǵalarynyń sany artyp keledi. Astanalyq Chaoıan aýdanyndaǵy mektepterdiń birinde vırýsqa shaldyǵýdyń 36 oqıǵasy anyqtalǵan.
QHR gıgıena jáne densaýlyq saqtaý memlekettik komıtetiniń málimetinshe, sońǵy táýlikte Beıjińde koronavırýs ınfeksııasyn juqtyrýdyń 50 jańa oqıǵasy tirkeldi. Dúısenbiden bastap bılik Qytaı astanasy aýdandaryndaǵy birqatar turǵyndy jappaı testileýden ótkizýde.
Aıana Toǵanbek