26 sáýirde Nur-Sultan qalasynda Saıası qýǵyn-súrgin qurbandaryn tolyq aqtaý jónindegi memlekettik komıssııanyń (budan ári – Memlekettik komıssııa) altynshy otyrysynyń sheshimderin iske asyrý sheńberinde keńes ótti, dep habarlaıdy Egemen.kz.
Jıynǵa Jobalyq keńse Memlekettik komıssııanyń jáne óńirlik komıssııalardyń jumys toptarynyń basshylary men ókilderi, memlekettik qyzmetshiler, ǵalymdar, qoǵam qaıratkerleri qatysty.
О́tkizilgen keńestiń maqsaty – Memlekettik komıssııanyń jáne óńirlik komıssııalardyń jumys toptary qarastyratyn máselelerdi saıasılandyrmaý, Memlekettik komıssııanyń ǵylymı qorytyndysyn daıyndaý jónindegi mindetterin aıqyndaý, atqarylǵan jumystar boıynsha jumys toptary men óńirlik komıssııalardyń esepterin tyńdaý, júrgizilip jatqan ǵylymı zertteýler boıynsha tájirıbe almasý, óńirlik komıssııalardyń ǵylymı-zertteý jumysyn odan ári jetildirý joldaryn jáne olardyń Memlekettik komıssııanyń jumys toptarymen ózara árekettesý máselelerin anyqtaý.
Otyrysta Memlekettik komıssııanyń hatshysy – Qazaqstan Respýblıkasy Bilim jáne ǵylym vıse-mınıstri Erǵalıev Qýanysh Asylhanuly aǵymdaǵy mindetter týraly baıandady. Ol Memlekettik komıssııa jumysynyń ekinshi kezeńi barysynda taldaý jumystaryna, aldyn ala qorytyndylar men nátıjelerdi aıqyndaýǵa nazar aýdarylatynyn atap ótti. О́ńirlik komıssııalarmen jumys isteýge, birinshi kezekte, Memlekettik komıssııanyń jumys toptary men óńirlik komıssııalar arasyndaǵy tyǵyz ózara is-qımyldyń tıimdi algorıtmderin ázirleýge erekshe nazar aýdarylatynyn atap ótti. Oblystyq muraǵattarda izdestirý jumystaryn jandandyrýdy, saıası qýǵyn-súrgin týraly muraǵat qujattarynyń toptamasyn daıyndaýdy tapsyrdy. Sondaı-aq termınologııalyq glossarıı daıyndaý jáne zańnamalyq aktilerdiń jobalaryn ázirleý qajettigine toqtalyp, ǵalymdarǵa Memlekettik komıssııanyń qorytyndysynyń jobasyn daıyndaýdy tapsyrdy.
Memlekettik komıssııanyń Jobalyq keńsesiniń basshysy - Qasymov Sabyr Ahmetjanuly bıylǵy jyly qarqyndy jumys atqarǵanyn, Premer-Mınıstrdiń ókimimen Jobalyq keńseniń sapalyq quramy kúsheıtilip, múddeli mınıstrlikter men vedomstvolardan saýatty jáne bilikti mamandar qabyldanǵanyn atap ótti. Jobalyq keńseniń bastamasymen jáne ǵalymdardyń usynystary negizinde qýǵyn-súrginge ushyraǵandarǵa qatysty aýqymdy qupııa qujattyq materıaldar qupııasyzdandyryldy. Memlekettik komıssııa qýǵyn-súrgin qurbandaryn tolyq aqtaý úshin zańnamalyq aktilerdi ázirleý jumystaryna kiristi. Ásirese tárkileý, kúshtep ujymdastyrý jáne qonystandyrý, asyra silteý negizde astyq - et daıyndaý máseleleri boıynsha Memlekettik komıssııa jumysyna qajetti derek kózderi bolyp tabylatyn oblystyq jáne aýdandyq muraǵat qorlarynda jumys isteýdiń mańyzdylyǵy aıqyndaldy. Atap aıtqanda: selolyq okrýgter, ýezdik atqarý komıtetteri, OGPÝ men mılısııa organdaryna qatysty qorlardaǵy kýlaktardyń, baılardyń, ásirese ortasha baılardyń, molda-ıshandar, bolystardyń tizimder bazasyn jasaý mańyzdy. Osyndaı tizimder negizinde qýǵyn-súrgin, onyń ishinde sotsyz jáne tergeýsiz jazalaý sharalary júrgizilgen bolatyn. Jobalyq keńse basshysy Qasymov S.A. aımaqtyq komıssııa jumysynyń tıimdiligi, tıisinshe ol jumystardy úılestirýshiler oblys ákimderiniń orynbasarlary, oblystyq jáne aýdandyq muraǵattar ákimshiligine tikeleı qatysty bolǵandyqtan, nátıjeli uıymdastyrý jumystarynyń qajettigin basa aıtty. Respýblıkanyń óńirlik komıssııa músheleri, zertteýshi-ǵalymdary aıqyndaǵan arhıv materıaldarynyń kóshirmesin Memlekettik komıssııanyń Jobalyq keńsesine jiberý usynyldy.
Otyrys barysynda Memlekettik komıssııanyń jáne óńirlik komıssııalardyń jumys toptarynyń basshylary men músheleri mańyzdy máseleler tóńireginde oı bólisti. Aǵymdaǵy jumystar boıynsha birqatar tapsyrma berilip, ony iske asyrý baǵyttary boıynsha ádistemelik nusqaýlar berildi.