Bilek kúshin tanytatyn qol kúresine qyzyǵýshylar qatarynda burymdylar da bar. Sondaı sportshylar qataryndaǵy atyraýlyq ardagerler Azııa chempıonatyna qatysyp, Qazaq eliniń Týyn jelbiretti.
Bul joly armrestlıngten jastar, eresekter jáne ardagerler arasyndaǵy Azııa chempıonaty 24-30 sáýirde О́zbekstannyń Samarqand qalasynda ótip jatyr. Oǵan 14 elden 500-ge jýyq sportshy qatysyp, kil myqtydan eń myqtyny anyqtamaq. Qurlyq dodasyna qatysqan atyraýlyq ardager sportshylar joǵary nátıje kórsetip, el abyroıyn asqaqtatty.
Keshe áıelder arasynda qol kúrestirgen Almagúl Qanatova 80 kılo, Rahııa Moldasheva 80 kılodan joǵary salmaqta Azııa chempıony atandy. Al Konstantın Tarabrın 70 kıloda kúmis medaldi ıelendi.