Elorda ákimdigi áleýmettik mańyzy bar ónimderdiń baǵasyn turaqtandyrý úshin birqatar jumys júrgizip jatyr, dep habarlaıdy Egemen.kz Nur-Sultan qalasy ákimdiginiń baspasóz qyzmetine silteme jasap.
Atap aıtqanda «Aınalym tetigi» jobasy boıynsha taýar óndirýshilermen tikeleı jetkizýge qosymsha sharttar jasaldy. Endi jyl boıy jármeńkeler (Prıgorodnyı TM, Arnasaı k-si, 109), saýda ústemesiniń saqtalýyn baqylaý jáne t. b. Jumystar turaqty júrgiziledi.
Qala ákimdigi Túrkistan oblysynan shamamen 3 myń tonna erte pisetin kókónis eksporttady. Birinshi partııa jetkizildi. Olardyń baǵasy naryqtyq baǵadan 15% - ǵa tómen bolady. Osy kókónisterdi birqatar bólshek saýda jelilerinen satyp alýǵa bolady. Olar: Fermag, Astyqjan, Aqmol, Vkýsmart, Anvar. Sondaı-aq Small dúkeniniń jelisimen kelisim-shart jasalýy múmkin.
Birinshi surypty unnan pisirilgen nan baǵasyn turaqtandyrý úshin «Azyq-túlik kelisim shart korporasııasy» UK» AQ-men 9 myń tonnadan astam astyq jetkizý týraly memorandýmǵa qol qoıyldy.
Aıta ketsek, Nur-Sultan qalasynyń Investısııalar jáne kásipkerlikti damytý basqarmasy áleýmettik mańyzy bar azyq-túlik taýarlarynyń baǵalaryn retteý boıynsha is-sharalar júrgizýde. Olarǵa saýda ústemesi taýar óndirýshiden nemese kóterme jetkizýshiden satyp alý baǵasynyń 15% - ynan aspaýy tıis. Komıssııa saýda ústemesiniń shekti mólsheriniń saqtalýyna baqylaýdy júzege asyrady. Zań buzýshylyqtar bolǵan jaǵdaıda, saýda sýbektileri jaýapkershilikke tartylady. Qaıta buzylǵan jaǵdaıda, saýda sýbektilerine, shaǵyn kásipkerlik sýbektilerine – 10 AEK, orta kásipkerlik sýbektilerine – 75 AEK, iri kásipkerlik sýbektilerine-300 AEK mólsherinde aıyppul salynady.
Azyq-túlik ónimderine baǵanyń negizsiz ósýi týraly ótinishti basqarma mekenjaıyna elektrondyq úkimet portaly arqyly nemese Beıbitshilik kóshesi, 11, № 113 kabınet mekenjaıy boıynsha jiberýge bolady.