Almatyda kóliktiń ishinen er adamnyń denesi tabyldy. Polısııa qyzmetkerleri marqumnyń qasynda bolǵan 33 jastaǵy adamdy ustady, dep habarlaıdy Egemen.kz.
Almaty qalalyq polısııa departamentiniń málimetinshe, er adamnyń denesi «Aınabulaq» yqshamaýdanynda «Toıota» avtokóliginiń ishinen tabyldy.
«Máıitten eshqandaı zorlyq-zombylyq belgileri anyqtalǵan joq. Marqumnyń qasynda bolǵan 1989 jyly týǵan B. esimdi azamat ustaldy. Olar janjaldasqan bolýy múmkin», dep habarlady Almaty qalalyq polısııa departamentiniń baspasóz qyzmeti.
Oqıǵanyń mán-jaıyn sot-medısınalyq saraptama anyqtaıtyn bolady.