Qazaqstan Respýblıkasy Prezıdentiniń Jarlyǵy №792

«Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly» Qazaqstan Respýblıkasy Prezıdentiniń 2013 jylǵy 24 sáýirdegi №555 Jarlyǵyna ózgerister men tolyqtyrýlar engizý týraly «Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasy Konstıtýsııalyq zańynyń 17-baby 4-1) tarmaqshasyna sáıkes qaýly etemin: 1. «Qazaqstan Respýblıkasynyń aýdan­dyq mańyzy bar qalalary, aýyldyq okrýg­teri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly» Qazaqstan Respýblıkasy Prezıdentiniń 2013 jylǵy 24 sáýirdegi № 555 Jarlyǵyna (Qazaqstan Respýblıkasynyń PÚAJ-y, 2013 j., № 28, 424-qujat) mynadaı ózgerister men tolyqtyrýlar engizilsin: joǵaryda atalǵan Jarlyqpen bekitilgen Qazaqstan Respýblıkasynyń aýdandyq mańyzy bar qalalary, aýyl­dyq okrýgteri, aýyldyq okrýgtiń quramyna kir­meı­­tin kentteri men aýyldary ákimderin qyzmetke saılaý, ókilettigin toqtatý jáne qyzmetten bosatý qaǵı­dalarynda: 8-tarmaq mynadaı redaksııada jazylsyn: «8. Ákimderdiń saılaýyna ázirlikti jáne ony ótkizýdi uıymdastyratyn saılaý organdary oblystyq, aýdandyq (qalalyq) saılaý komıssııalary bolyp tabylady.»; mynadaı mazmundaǵy 8-1-tarmaqpen tolyq­tyrylsyn: «8-1. Oblystyq saılaý komıssııasy: 1) ákimshilik-aýmaqtyq birlik aýmaǵynda saılaý týraly zańnamanyń oryndalýyn baqylaýdy júzege asyrady; 2) tómengi turǵan aýmaqtyq saılaý komıssııalarynyń qyzmetine basshylyq etedi; olardyń sheshimderiniń kúshin joıady jáne toqtata turady; saılaý naýqanyn ótkizý úshin bólingen memlekettik bıýdjet qarajatyn olardyń arasynda bóledi; tómengi turǵan aýmaqtyq saılaý komıs­sııalarynyń qyzmetine qajetti materıaldyq-teh­nıkalyq jaǵdaılardyń jasalýyn baqylaıdy; tómengi turǵan aýmaqtyq saılaý komıssııalarynyń sheshimderi men is-áreketterine (áreketsizdigine) aryzdar men shaǵymdardy qaraıdy; tıisti ákimshilik-aýmaqtyq birliktiń sheginde qurylǵan tómengi turǵan aýmaqtyq saılaý komıssııalarynyń Ortalyq saılaý komıssııasynyń sheshimderin oryndaýyn uıymdastyrady; 3) saılaýǵa ázirlikke jáne ony ótkizýge baılanys­ty máseleler boıynsha saılaý komıssııalarynyń, memlekettik organdar men uıymdardyń esepterin, sondaı-aq saılaý týraly zańnamanyń saqtalýy máseleleri boıynsha qoǵamdyq birlestikter organdarynyń aqparatyn tyńdaýǵa quqyly; 4) «Qazaqstan Respýblıkasyndaǵy saılaý týraly» 1995 jylǵy 28 qyr­kúıek­­tegi Qazaqstan Respýblıkasynyń Konstı­tý­sııalyq zańyna sáıkes basqa da ókilettik­terdi júzege asyrady.»; 9-tarmaqtyń 1) tarmaqshasy mynadaı redaksııada jazylsyn: «ákimderdiń saılaýyn taǵaıyndaıdy jáne onyń ótkizilýin qamtamasyz etedi;»; 13-tarmaq mynadaı mazmundaǵy ekin­shi bólikpen tolyqtyrylsyn: «Jergi­likti qoǵamdastyqpen konsýltasııalar tıis­ti aýdandyq (qalalyq) saılaý komıssııa­sy taǵaıyndaǵan sátten bastap júrgizi­lýi múmkin.»; mynadaı mazmundaǵy 14-1-tar­maq­pen tolyqtyrylsyn: «14-1. Aýdan (qala) ákimi ákimdikke kandıdattardy usyný týraly usynymyn aýdandyq (qalalyq) saılaý komıssııasynan daýys berýge keminde eki kún qalǵanda keri qaıtaryp ala alady. Bul jaǵdaılarda tıisti aýdandyq (qa­lalyq) saılaý komıssııasy kandıdatty tir­ke­meıdi ne kandıdatty tirkeý týraly sheshim­niń kúshin joıady jáne qabyldanǵan sheshim týraly aýdan (qala) ákimine habarlaıdy.»; 40-tarmaqtyń ekinshi bóliginiń 1) tarmaqshasy mynadaı redaksııada jazylsyn: «1) saılaý komıssııalaryn uıymdastyrýǵa jáne qyzmetine: saılaý komıssııalary músheleriniń jalaqysy; jalaqyǵa ústemeaqy; tehnıkalyq qamtamasyz etý (kompıýterler, uıymdastyrý tehnıkasyn satyp alý, jabdyqtardy jalǵa alý jáne jabdyqtarǵa tehnıkalyq qyzmet kórsetý, sondaı-aq daýys berýge arnalǵan kural-jabdyqtardy satyp alý jáne jasaý); kólik shyǵystary; buqaralyq aqparat quraldarynda jarııa­laý; baılanys qyzmetteri, pochta-telegraf shyǵystary; polıgrafııalyq shyǵystar; keńse jáne sharýashylyq taýarlaryn, urandar, plakattar, memlekettik rámizder úshin materıaldar satyp alý;»; 45-tarmaq mynadaı redaksııada jazylsyn: «45. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákiminiń saılaýyn Qazaqstan Respýblıkasynyń tıisti aýdandyq (qalalyq) saılaý komıssııasy ákimniń ókilettik merziminiń aıaqtalýyna keminde qyryq bes kún qalǵanda taǵaıyndaıdy. Ákimniń ókilettigi merziminen buryn toqtatylǵan jaǵdaıda, ókilettigi merziminen buryn toqtatylǵan kúnnen bastap úsh aı ishinde saılaý ótkiziledi.»; 46-tarmaq mynadaı redaksııada jazylsyn: «46. Ákimderdiń saılaýynda daýys berý jáne saılaý qorytyndylaryn anyqtaý «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstı­týsııalyq zańynda belgilengen saılaý rásimderine sáıkes, osy Qaǵıdalardyń 46-1-tarmaǵynda belgi­lengen erekshelikterdi eskere otyryp júzege asyrylady.»; mynadaı mazmundaǵy 46-1-tarmaqpen tolyq­tyrylsyn: «46-1. Tańdaýshylardyń daýystary teń bolǵan jaǵdaıda, qaıta daýys berý ótkiziledi. Qaıta daýys berý saılaý kúni ótkiziledi.»; 55-tarmaq mynadaı redaksııada jazylsyn: «55. Eger saılaý jaramsyz dep tanylsa ne qaıta daýys berý saılanǵan kandıdatty aıqyndaýǵa múmkindik bermese, aýdandyq (qalalyq) saılaý komıssııasy qaıta saılaý ótkizý týraly sheshim qabyldaıdy.»; 60-tarmaq mynadaı redaksııada jazylsyn: «60. Oblystyq, aýdandyq (qalalyq) saılaý komıssııasy tańdaýshylardyń tizimderin jasaý qaǵıdalary, daýys berý jáne daýystardy sanaý, saılaý qorytyndylaryn anyqtaý tártibi buzylǵan, osy Qaǵıdalardy basqa da buzýshylyqtar oryn alǵan jaǵdaıda, eger bul is-áreketter tańdaýshylardyń erik bildirý nátıjelerin durys anyqtaýǵa múmkindik bermeıtin bolsa, ákimder saılaýyn jaramsyz dep tanýy múmkin.». 2. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N. NAZARBAEV. Astana, Aqorda, 2014 jylǵy 9 sáýir.  №792