Brazılııada XXIV Sýrdlımpıada oıyndary ótip jatyr. Oǵan álemniń 100 elinen 21 sport túrinen 3500 sportshy qatysyp jatyr. Onyń ishinde Qazaqstan quramasy 9 sport túrinen 65 sportshysyn attandyrdy, dep habarlaıdy Egemen.kz elorda ákimdiginiń resmı saıtyna silteme jasap.
Elorda atynan Nur-Sultan qalasy ákimdiginiń «Balalar-jasóspirimder sport mektebiniń, múgedek sportshylarǵa arnalǵan sport mektebiniń» sportshylary Sabyrjan Hapızov (dzıýdo), Vladımır Nesterov (tennıs), Álisher Talǵatov (júzý) óner kórsetedi.
Búgin el quramasynyń qorjynyna elordalyq dzıýdoshy Sabyrjan Hapızov qola medal saldy.
«Men óz jeńisime óte qýanyshtymyn, birinshi kezekte úmit artyp kelgen jattyqtyrýshyma alǵys aıtqym keledi. Maǵan sport unaıdy jáne oǵan ýaqytymdy arnaımyn, endi aldaǵy jarystarǵa odan da kúshti jáne senimdi daıyndalamyn», dep qýanyshymen bólisti Sabyrjan.
Jazǵy Sýrdlımpıada oıyndary 15 mamyrǵa deıin jalǵasady, sportshylarymyzǵa tabys pen jeńis tileımiz.