Nurlan Ábdirovtiń tóraǵalyǵymen ótken Ortalyq saılaý komıssııasynyń otyrysynda «Almaty oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna 2022 jylǵy 22 sáýirde saılanǵan depýtatty tirkeý týraly» jáne «Qazaqstan halqy Assambleıasynan shyǵyp qalǵan depýtattyń ornyna 2022 jylǵy 28 sáýirde saılanǵan Qazaqstan Respýblıkasy Parlamenti Májilisiniń depýtatyn tirkeý týraly» qaýlylar qabyldandy.
«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq Zańynyń 12, 45, 46 jáne 82-baptaryna sáıkes, Almaty oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna saılaý jónindegi daýystardy sanaý nátıjeleri týraly Almaty oblystyq saılaý komıssııasy hattamasynyń jáne «Almaty oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna 2022 jylǵy 22 sáýirde bolǵan saılaýdyń qorytyndylaryn anyqtaý jáne jarııalaý týraly» Qazaqstan Respýblıkasy Ortalyq saılaý komıssııasynyń 2022 jylǵy 26 sáýirdegi № 28/476 qaýlysynyń negizinde Qazaqstan Respýblıkasynyń Ortalyq saılaý komıssııasy Janbolat Ákebaıuly Jórgenbaevty Parlament Senatynyń depýtaty retinde tirkeýge qaýly etti.
Sondaı-aq «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsııalyq zańynyń 12, 45, 46 jáne 98-baptaryna sáıkes, Nur-Sultan qalalyq saılaý komıssııasynyń Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń shyǵyp qalǵan depýtatynyń ornyna saılaý jónindegi daýystardy sanaý nátıjeleri týraly Nur-Sultan qalalyq saılaý komıssııasy hattamasynyń jáne «Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń shyǵyp qalǵan depýtatynyń ornyna 2022 jylǵy 28 sáýirde bolǵan saılaýdyń qorytyndylaryn anyqtaý jáne jarııalaý týraly» Qazaqstan Respýblıkasy Ortalyq saılaý komıssııasynyń 2022 jylǵy 28 sáýirdegi № 29/477 qaýlysynyń negizinde Qazaqstan Respýblıkasynyń Ortalyq saılaý komıssııasy Qazaqstan halqy Assambleıasynan saılanǵan Zakırjan Pırmýhamedovıch Kýzıevti Qazaqstan Respýblıkasy Parlamenti Májilisiniń depýtaty retinde tirkeýge qaýly etti.
Otyrysta komıssııa tóraǵasy Nurlan Ábdirov Parlament depýtattary Janbolat Jórgenbaev pen Zákirjan Kúzıevke kýálikter men omyraýǵa taǵatyn belgilerdi tapsyrdy. J.Jórgenbaev pen Z.Kýzıevtiń Almaty oblystyq máslıhatyndaǵy belsendi depýtattyq qyzmetterin atap ótken komıssııa tóraǵasy saılanǵan depýtattarǵa respýblıkanyń zań shyǵarý bıligin júzege asyratyn joǵary ókildi organynda tabys pen jemisti jumys tiledi.