Soltústik Qazaqstan oblysynyń sý qoımalaryna 35,5 mln dana aqsaha tuqymdas balyq túrleriniń dernásili jiberildi, dep habarlaıdy Egemen.kz Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.
Sý aıdyndaryna balyq jiberý Esil oblysaralyq basseındik balyq sharýashylyǵy ınspeksııasynyń, jergilikti atqarýshy organnyń, Petropavl balyq pıtomnıgi, «Balyq sharýashylyǵy ǵylymı-óndiristik ortalyǵy» JShS Soltústik fılıalynyń ókilderinen quralǵan komıssııa arqyly buqaralyq aqparat quraldarynyń qatysýymen júzege asyryldy.
Aıta keteıik, Petropavl balyq pıtomnıgi jylyna orta eseppen sý aıdyndaryna 37 mln danaǵa jýyq aqsaha tuqymdas balyq túrleriniń dernásilin jáne tuqy balyǵynyń shabaqtaryn jiberedi. Elimizde respýblıkalyq mańyzy bar balyq sharýashylyǵy sý aıdyndaryna balyq jiberý jónindegi is-sharalar jalǵasýda.