Pavlodar oblystyq polısııa departamenti baspasóz qyzmetiniń málimetinshe, 5 mamyr kúni shamamen saǵat 16.40-ta Astana kóshesi, 52 mekenjaıy boıynsha ornalasqan ǵımaratta JShS-nyń birinde 22 jastaǵy kondısıoner ornatýshysy jumys barysynda terezeden qulap ketken, dep habarlaıdy Egemen.kz Ravlodarnews.kz saıtyna silteme jasap.
«Jumys barysynda terezeden qulaǵan er adam dene jaraqatymen aýrýhanaǵa jatqyzyldy», delingen habarlamada.
Oblystyq densaýlyq saqtaý basqarmasynyń málimetinshe, 1999 jyly týǵan azamat jedel járdemmen Aqsý ortalyq aýrýhanasyna jetkizilgen.
«Bassúıek-mı jaraqatynyń jabyq jaraqaty, mıdyń shaıqalýy anyqtaldy, mańdaı aımaǵy men murny, oń qoly sydyrylǵan. Oń jaqta 1,11,12-qabyrǵasynyń jabyq synýy, ókpe jaraqaty, eki jaqty jambas súıekteriniń synýy, ishtiń ótkir jaraqaty jáne basqa da birneshe jaraqat tirkelgen. Sondaı-aq birinshi dárejeli travmatıkalyq shok alǵan», dep jazylǵan habarlamada.
Jaǵdaıynyń aýyrlyǵyna baılanysty anestezıologııa, reanımasııa jáne qarqyndy terapııa bólimine jatqyzylǵan.