«Egemen Qazaqstan» respýblıkalyq gazetiniń basshysy Darhan Qydyráli abyz basylymda aıshyqty eńbek etken tyl ardageri almatylyq Hamıt Birjanovqa arnaıy baryp, aıtýly merekesimen quttyqtady.
Jalyndy jastyq shaǵy el basyna qater tóngen qıly kezeńmen tuspa-tus kelgen Hamıt qarııa talaı tarıhtyń kózi tiri kýágeri.
Beınetpen beldese júrip býyny bekigen onyń taǵdyryna qıly kúnderdiń shejiresin, ýaqyt únin qalam-qýatymen búginge jetkizý buıyrǵan. Elýinshi jyldary el gazetinde jemisti eńbek etken ardager sol surapyl jyldar týraly: «Tańatpaı turyp tabanymyzdan syz ótip júrip, soqamen jer jyrttyq, talaı beınet pen qıyndyq kórdik», dep eske alady. Osyny alǵa tartqan «Egemen» basshysy qazynaly qarııany merekesimen quttyqtap, jeńisti jaqyndatýǵa qosqan úlesi keıingiler úshin ólmes ónege ekenin, basylym ujymy eńbektegi erligine qurmetpen qaraıtynyn aıtyp, otbasyna amandyq tiledi.
Eńbegi elge mura, urpaqqa uran bolǵan maıdangerlermen teńestirilip, el damýyna ekpin beretin san salada qajyrly eńbek etken Hamıt aqsaqal kúni búginge deıin qoǵamdyq jumysqa belsene aralasyp keldi. О́z kásibine adal azamat bas basylymnyń Qostanaıdaǵy tilshisi bolǵan ýaqytynda, óńir ómirindegi ózekti jaılardy qaz-qalpynda baıandap, talaı taǵdyrǵa arasha tústi. Sonymen birge astyqty aımaqtaǵy tyń bastamalar, el mereıin tasytqan jaǵymdy jańalyqtar izdenimpaz tilshiniń qalamynan tys qalǵan joq. Qarymdy qalamger baspasózdegi maqalalarymen shektelip qalmaı, aýdarma isimen de aınalysty.
Almaty qalalyq ardagerler keńesiniń tóralqa múshesi retinde qoǵamdyq jumystan áli de qol úzbegen Hamıt Birjanuly ult baspasóziniń janashyry. Toqsannyń tórindegi ardager memlekettiń qoǵamdyq-saıası ómirindegi jańa betburystardy baspasóz arqyly tanyp-bilip otyratynyn aıtyp, «Egemen Qazaqstan» gazetiniń basshysyna rızashylyǵyn bildirdi.
ALMATY