Memlekettik qala qurylysy kadastrynyń sıfrlyq bazasyn qalyptastyrý sheńberinde óńirlerde ınjenerlik kommýnıkasııalardy ınventarızasııalaý jumystary jalǵasýda.
Máselen, bıyl respýblıkalyq bıýdjet qarajaty esebinen Aqtóbe, Qaraǵandy, О́skemen, Lısakov, Arys qalalarynyń qurylys salynǵan aýmaǵynyń 9,3 myń gektaryna ınjenerlik kommýnıkasııalardy túgendeý júrgizilýde. Jergilikti bıýdjet qarajaty esebinen eldi mekenderde 8,8 myń ga ınjenerlik jelilerge ınventarızasııa jumystary júrgizilip jatyr.
Aıta keterligi, jer asty jáne jer ústi ınjenerlik kommýnıkasııalaryn túgendeý arqyly óńirlerde eldi mekenderdiń sıfrlyq kadastrlyq josparlary qurylǵan. 2018 jyldan bastap Shymkent qalasynyń jáne aýdany 78,3 myń ga 10 oblys ortalyǵynyń qurylys salynǵan aýmaqtarynda jerasty jáne jerústi kommýnıkasııalary ınventarızasııalandy. Kókshetaý, Petropavl, Taraz qalalarynda ınfraqurylymdyq obektilerdi túgendeý jumystary tolyǵymen aıaqtalǵan.
Qazirgi ýaqytta qala qurylysy kadastrynyń aqparattyq júıesi ınjenerlik kommýnıkasııalardyń sıfrlyq derekteriniń 63,7%-yn, bas jospardyń 93,6%-yn jáne respýblıkalyq, oblystyq jáne aýdandyq mańyzy bar qalalardyń egjeı-tegjeı josparlarynyń 95,6%-yn qamtıdy.