Qazaqstan men Maldıv vızasyz rejım týraly kelisimge qol qoıdy, dep habarlaıdy Egemen.kz QR Syrtqy ister mınıstrligine silteme jasap.
«Male, 2022 jylǵy 9 mamyr - Qazaqstan Respýblıkasynyń Úkimeti men Maldıv Respýblıkasynyń Úkimeti arasynda vızalyq talaptardan ózara bosatý týraly kelisimge qol qoıyldy, bul eki eldiń azamattaryna Qazaqstan men Maldıvter aýmaqtaryna 30 kúnnen aspaıtyn merzimge kelýge jáne onda bolýǵa múmkindik beredi», delingen habarlamada.
Degenmen Syrtqy ister mınıstrligi jumysqa ornalasý, bilim alý nemese iskerlik maqsatta kirýge nıet bildirgen adamdar tıisti vızany resimdeýi qajet ekenin habarlady.
2021 jylǵy qazan aıynda Qazaqstan men Maldıv óz azamattaryna eki eldiń shekaralaryn ótý kezinde COVID-19 testiniń teris nátıjesi bar PTR anyqtamalaryn berý mindettemesinen bosatatyn vaksınasııa pasporttaryn ózara moıyndaǵany málim. Aıana Toǵanbek