Bokstan Qazaqstan ulttyq quramasynyń bas bapkeri Qaırat Sátjanov Life Sport KZ-ke bergen suhbatynda Qamshybek Qońqabaevtyń komandaǵa jaqynda oralatynyn aıtty, dep habarlaıdy Egemen.kz.
«Qamshybek 6 nemese 2 shildede jekpe-jek ótkizedi [kásipqoıda] jáne bizge, ulttyq quramaǵa qosylady. Azııa oıyndary aıaqtalǵansha, ol osynda bolady», dedi Sátjanov.
Kásibı rıngtegi sońǵy jekpe-jegin Qamshybek Qońqabaev (5-0, 4 KO) aqpan aıynda ótkizdi. Ol ekinshi raýndta ózbekstandyq Farrýh Djýraevty (6-6-1, 2 KO) nokaýtqa túsirdi.
Aıta keteıik, Qońqabaev kásipqoı boksta alǵash ret 2020 jyly óner kórsetti, sondaı-aq kásipqoı jáne áýesqoı boksta alma-kezek óner kórsetedi.
Aıana Toǵanbek