Úzdik fılm anyqtaldy

О́ner baıqaýyna elimizdiń ár túkpirinde túsirilgen qy­ryq shaqty qysqametrajdy fılm kelip tústi. Shaǵyn týyn­dylardyń kópshiligi otbasylyq qundylyq, ata-ana aldyndaǵy perzenttik paryz,  baspanasyn qumar oıynǵa tigip otba­syn dalada qaldyrǵan, ózi qa­shyp-pysyp júrgen jaýapsyz ákeniń berekesiz tirligi sııaq­ty áleýmettik júgi aýyr másele­ler­di kótergen. Sonymen qatar basketbol sportyna erekshe qy­zy­ǵýshylyq tanytqan ini­siniń myqty sportshy bolyp qalyp­tasýyna kóp kúsh jumsap, erekshe jiger tanytqan baýyrmal aǵa­nyń janashyrlyǵy sııaqty tárbıe­lik taǵylymy mol jyly dúnıe­ler de bar.

Kólemi qysqa bolǵanymen, mazmuny tereń, shymyr oqı­ǵa­­larǵa qurylǵan shaǵyn fılm­derdiń kórkemdik deńgeıi men túsirilim tobynyń rejısser­­lik, operatorlyq sheberligin S.Qo­jam­qulov atyndaǵy Jezqaz­ǵan qazaq mýzykalyq-drama­­lyq teatrynyń dırektory, teatr jáne kıno akteri – Sáken Doshan bastaǵan qazylar alqasy tarazylady. Nátıjesinde, «Úzdik ope­­­­rator» atalymy boıynsha shy­raıly Shymkent shahary­nan kelgen Farhat Saıpov jeńim­paz atansa,  «Úzdik rejısser» ataly- myna qostanaılyq Esbol Jat­qa­nov laıyq dep ta­nyl­­dy. Nur-Sul­tan qalasynan kel­gen Jar­qyn Tileýqor «Eń úz­dik sse­na­rııi» atalymy­na ıe bolsa, alma­tylyq Rús­tem Das­tan­uly­nyń «Mınýs 5» dep atalatyn 7 mı­nýttyq qys­qa­metraj­dy ­týyn­dysy baı­qaý­dyń eń bedel­di atalymy «Úzdik fılm» ata­ǵyn jeńip aldy.   

Uıymdastyrýshylardyń aıtýynsha, festıvaldyń basty maqsaty – Serke Qojamqulov, Elýbaı О́mirzaqov, Qapan Bady­rov, Ánýar Boranbaev syndy óner tarlandary dúnıege kelgen óńirde qazaq kıno ónerin dárip­tep, jańa esimderdiń tanylýyna yqpal etý.

Tobyl tórinde tuńǵysh ret uıymdastyrylyp otyrǵan sha­raǵa kásibı sahna óneri men ult­­tyq kınonyń qalyptasyp, da­mýyna ólsheýsiz úles qosqan  san qyrly akterdiń týǵan qyzy Márııam Seralyqyzy Almatydan arnaıy kelip qatysty. Dańqty ákesiniń týǵan jeri Qarabalyqqa baryp qaıtqan Márııam apaı  Qostanaı jurtshylyǵyna alǵy­syn aıtyp, izgi tilegin arnady.

– Qarabalyq aýdanynda ákem atyndaǵy mýzyka mektebi men bir kóshe bar eken. Atalǵan mektep­tiń oqýshylarymen kez­desip, dáris oqydym. Al sonaý Almatydan menimen birge kel­gen M.Áýezov atyndaǵy Qa­zaq memle­kettik akademııalyq drama teatry mýzeıiniń jetekshi­si Narǵyz Tamabekqyzy  aýdan­dyq mýzeı qyzmetkerlerine sheber­lik sabaǵyn ótkizdi.  Búgin eki toı qatarlasyp otyr. Birinshiden, ákemniń týǵan kúni bolsa, ekin­shiden Jezqazǵan teatryna ákem­niń atynyń berilgenine týra 40 jyl bolypty.  Sizderge alǵysym sheksiz, – dedi tolqı sóı­legen  Marııam Seralyqyzy.

Aýqymdy is-shara barysynda I.Omarov atyndaǵy Qostanaı ob­lys­tyq qazaq drama teatrynda belgili kıno jáne teatr aktrısasy Altynaı Nógerbek  «Psı­ho­fızıkalyq áreket» atty she­ber­lik saǵatyn ótkizdi. 

Qostanaı oblysy