Bul týraly QR Konstıtýsııalyq keńesiniń apparat basshysy Baqyt Nurmuhanov aıtty, dep habarlaıdy Egemen.kz.
«Halyqaralyq tájirıbeden alynyp otyrǵan taǵy bir qural - ombýdsmenniń Konstıtýsııalyq sotqa júgine alý quqyǵy. О́ıtkeni, kelip túsken aryz-shaǵymdardy taldaý barysynda ombýdsmen zańdardyń, ózge de normatıvtik-quqyqtyq aktilerdiń kemshiligin kórýi múmkin. Biraq, ony ózi jóndeı almaıdy. Eger Parlamentke, Úkimetke aıtsa, ol prosess uzaqqa sozylýy múmkin. Al endi Konstıtýsııalyq sotqa tikeleı júginedi. Konstıtýsııalyq sot qarap, Ata zańǵa qaıshy dep tapsa, onda Parlament pen Úkimet, basqa da zań shyǵarý sýbektileri ol zańdy túzetýge mindetti bolady», dedi ol Ortalyq kommýnıkasııalar qyzmetindegi baspasóz máslıhatynda.
Aıta keteıik, taıaýda Memleket basshysy «Respýblıkalyq referendým týraly» Qazaqstan Respýblıkasynyń Konstıtýsııalyq zańyna ózgerister men tolyqtyrý engizý týraly» Qazaqstan Respýblıkasynyń Konstıtýsııalyq zańyna qol qoıdy.