10 mamyrda О́zbekstannyń ońtústiginde nóser jaýynnyń arty selge ulasyp, eki adamdy aǵyzyp ketti, dep habarlaıdy Egemen.kz О́zbekstan Tótenshe jaǵdaılar mınıstrliginiń Telegram-kanalyna silteme jasap.
Vedomstvonyń málimetinshe, 10 mamyr kúni saǵat 16:00 shamasynda Surhandarııa oblysynyń Saryasy aýdanynda nóser jaýyn saldarynan úsh adamdy sel shaıyp áketken. Olardyń biri baqtashy bolsa, taǵy ekeýi Nexia kóliginde otyrǵan. Baqtashy joıqyn selden qutylyp úlgergen, al kóliktegi adamdardyń taǵdyry belgisiz.
Qazir eldiń Tótenshe jaǵdaılar mınıstrliginiń qyzmetkerleri, jergilikti turǵyndar men basqa da tıisti bólimsheler qutqarý jáne izdestirý jumystaryn júrgizýde.
Aıta keteıik, sáýir aıynda jaýǵan nóser jańbyrdan О́zbekstanda sońǵy 80 jyldaǵy eń iri sý tasqyny men sel boldy.
О́zgıdromettiń sońǵy málimetinshe, 9-13 mamyrda О́zbekstannyń taýly aımaqtarynda jańbyr jaýady, soǵan baılanysty sel men sý tasqyny qaýpi kúsheıetini kútilýde.