Nıgerııa astanasy - Abýdja qalasyndaǵy avtobekette oryn alǵan jarylystan 71 adam qaza bolyp, 124 adam jaraqat aldy. Bul týraly ITAR-TASS habarlady.
Mamandar teraktini Nıgerııa aýmaǵynda ıslam memleketin qurýdy kózdeıtin «Boko haram» ekstremıstik toby uıymdastyrdy degen kúdik keltirip otyr. Atalmysh top bıylǵy jyldyń basynan beri júzdegen adamnyń ólimine sebepshi bolǵan eken.
Máselen, ústimizdegi jyldyń 20 aqpanynda «Boko haram» sodyrlary Nıgerııanyń soltústik-shyǵysyndaǵy Bama qalasyna shabýyl jasap, 60 adamdy mert etken. Al 25 aqpanda olar mektepke kirip, 29 oqýshyny atyp óltirgen. Sondaı-aq naýryzdyń basynda atalmysh top músheleri Maıdýgýrı qalasynda terakt uıymdastyryp, 50 adamdy óltirgen. Sáýirdiń basynda Nıgerııanyń soltústik-batysynda qaýym jetekshileri men ózin-ózi qorǵaý jasaǵy múshelerine shabýyl jasap, 80 adamdy qyryp saldy.
2013 jyldyń mamyr aıynda Nıgerııa prezıdenti Gýdlak Djonatan «Boko haram» tobyna qarsy áskerı operasııa bastalǵanyn málimdegen bolatyn. Bıliktiń habarlaýynsha, operasııa barysynda ekstremısterdiń negizgi bazalary joıylǵan. Alaıda, jekelegen toptar áskerılerden qashyp qutylǵan. Endi olar partızandyq soǵys tásiline kóshken kórinedi.
Aıdar О́risbaev.
Derekkóz: Itar-tass.com.
Foto: EPA/STR.