Búgin bokstan áıelder arasyndaǵy álem chempıonatynda qazaqstandyq eki boksshy alǵashqy jekpe-jeginde jeńiske jetti, dep habarlaıdy Egemen.kz.
Túrkııanyń Ystanbul qalasynda ótip jatqan álem chempıonatynda el quramasynan Jaına Shekerbekova (52 keli) Pýerto-Rıko elinen kelgen Melodı Vargasty aıqyn basymdyqpen jeńdi.
Sondaı-aq taǵy bir qazaqstandyq Karına Ibragımova (57 keli) rýmynııalyq Klaýdııa Nechıtany tize búktirdi.
Búgin taǵy eki boksshymyz sharshy alańǵa shyǵady. Aldymen kúndizgi sessııada Aıda Ábikeeva (63 keli) aljırlik Imane Helıfpen kezdesedi. Al keshki sessııada Nadejda Rıabes (75 keli) túrkııalyq Býshra Ishıldarmen synǵa túsedi.
Álem chempıonaty 20 mamyrǵa deıin jalǵasady..