Shyǵys Qazaqstan oblysyndaǵy sý qoımalarynan Ertis ózeniniń jaǵalaýyndaǵy jaıylmalarǵa sý jiberý júrip jatyr. Bul týraly Pavlodar oblysy ákiminiń baspasóz qyzmeti habarlady.
«Aldyn ala jasalǵan kestege sáıkes sý jiberýdiń negizgi kezeńi 5 men 23 sáýir aralyǵyn qamtıdy. Sý jiberýdi aıaqtaý 28 sáýirge josparlanǵan», - delingen habarlamada.
Ertis kaskady sý qoımalarynyń sý resýrstaryn paıdalaný týraly Erejege sáıkes sý jiberý týraly sheshimdi vedomstvoaralyq turaqty komıssııa qabyldady. Onda oryn alǵan aýa raıy jaǵdaıyna baılanysty Ertis ózeni sý jaıylmasyna sý jiberý merzimi men sý mólsheri anyqtaldy. Sý jiberý kestesine sáıkes jáne gıdrometeorologııalyq jaǵdaıdy eskere otyryp, sý jiberý tikeleı Shúlbi sý qoımasynan júzege asýda.
Bıyl Ertis ózeni jaıylmasyna sýdyń jaıylýyn monıtorıngileý úshin oblystyq bıýdjetten 4 mln. teńge bólindi. Monıtorıng júrgizetin merdigerlik uıym memlekettik satyp alýlar konkýrsy qorytyndysy boıynsha anyqtalatyn bolady. Jumysqa tapsyrys berýshi – oblystyń jer qoınaýyn paıdalaný, qorshaǵan orta jáne sý resýrstary basqarmasy.
Sý jiberý kezeńinde Pavlodar oblysy aýmaǵynda Ertis ózenindegi sý deńgeıine baqylaýdy 9 gıdrologııalyq beket júrgizedi. Sýdyń kóterilý deńgeıin merdigerlik uıym men jaýapty basqarma kúndelikti baqylap otyrady. Alynǵan málimetter kúnine 4 ret sý jiberý jónindegi komıssııa shtabyna, oblys ákiminiń apparatyna, oblys boıynsha tótenshe jaǵdaılar departamentine usynylyp turady.
«Ertis basseıni sý sharýashylyǵy ınspeksııasy» usynǵan aqparatqa sáıkes búgingi tańda Buqtarma sý qoımasyna jınalǵan sý mólsheri - 41,1 km3. Aldyn ala boljam boıynsha 5,7 km3 mólsherinde sý jiberiledi.
Ertis ózeni boıynda ornalasqan aýdandar men qalalar ákimdikterine jaıylmaǵa sý jiberilgendigi týraly habar taratylyp, Ertis ózeni sýy deńgeıine monıtorıng jasaldy.
Murat Aıtqoja.
Derekkóz: Pavlodar oblysy ákimdigi.
Foto: Pavlodar oblysy ákimdiginiń saıty.