Memleket basshysy Jańa Qazaqstan men Ekinshi respýblıka ıdeıasyn tabandy túrde ilgeriletýde.
Jańa Qazaqstan qurýdyń eń qýatty quraly aldaǵy konstıtýsııalyq reforma bolady. Ony júzege asyrý úshin jalpyulttyq qoldaý qajet.
Prezıdent Konstıtýsııaǵa túzetý engizýdi 5 maýsymda ótetin respýblıkalyq referendýmǵa shyǵarý jóninde mańyzdy sheshim qabyldady.
Qazaqstan Halyq partııasy aldaǵy referendýmdy jáne Konstıtýsııaǵa engiziletin barlyq túzetýlerdi tolyq qoldaıdy!
Barlyq jarııalanǵan bastamalar men saıası jańǵyrýdyń aspektileri partııamyzdyń ıdeologııasy jáne baǵdarlamasymen úndes.
Konstıtýsııada halyqtyń jer men tabıǵı resýrstardyń ıesi ekeni týraly normanyń bekitilýi eń mańyzdy túzetý boldy. Bul bastamany Qazaqstan Halyq partııasy kóterdi.
Tutas saıası júıege keshendi transformasııa júrgiziledi. Biz sýperprezıdenttik basqarý formasynan kúshti Parlamenti bar prezıdenttik respýblıkaǵa kóshemiz. Osy arqyly bıliktiń atqarýshy, zań shyǵarýshy jáne sot tarmaǵy júıesiniń naqty tetigi jasalady.
Depýtattardyń 30%-y bir mandatty okrýgterde, qalǵandary partııalyq tizim boıynsha saılanatyn majorıtarlyq-proporsıonaldyq júıe saıası jańǵyrtýdyń ózegine aınalady.
Prezıdenttiń teń dárejeli mártebesi barlyq saıası partııalardan tys bekitiledi. Bul – partııalyq alańda naqty saıası básekelestik týǵyzady.
Barlyq azamattardy elimizdiń bolashaǵy úshin jalpyhalyqtyq daýys berýge belsendi qatysýǵa shaqyramyz!
Qańtardaǵy qaıǵyly oqıǵalardan keıin Konstıtýsııaǵa engiziletin túzetýlerge jalpyhalyqtyq daýys berý jańa Qazaqstan, ádiletti Qazaqstan qurý jolynda bizdiń birligimiz ben tutastyǵymyzdy kórsetedi!