Satyp alý júıesi ashyqtyqqa negizdeledi

«Samuryq-Qazyna» AQ satyp alý ádistemesi sektory­nyń meńgerýshisi Iýlııa Ar­hıpovanyń aıtýynsha, jańa satyp alý erejeleri bıznes-qaýymdastyqpen, onyń ishin­de «Atameken» ulttyq kásip­k­erler palatasymen, Qar­jy mınıstrligimen, Bá­seke­les­tikti qorǵaý jáne damytý agent­tigimen, Prezıdent Ákimshi­ligi­men birlesip ázirlengen. Áleý­mettik jeli arqyly túsken pikir­ler de eskerilipti.

– Jańartylǵan satyp alý erejeleri «Samuryq-Qazyna» qoǵamdyq keńesiniń 22 sáýirde bıznes qoǵamdastyqpen bir­lese ótkizgen otyrysynda talqy­­lan­dy. Kásipkerlerdiń kóbi qordyń búgingi satyp alý júıesi basqa júıelermen sa­lys­­tyrǵanda barynsha túsi­nikti, anyq ári ashyq, bıznes úshin qolaıly ekenin atap ótti, – dedi Iý.Arhıpova.

«Samuryq-Qazyna Kont­rakt» JShS bas dırektory Murat Turǵanbaevtyń aıtýynsha, qazirdiń ózinde satyp alý derekterin mashına oqı­­tyn formatta ashyq qol­je­­tim­­­dilikke berý úshin arnaıy fýnk­­sııa iske qosylǵan (zakup.sk.kz). Endi kez kelgen adam qor kom­panııalarynyń barlyq sa­typ alýlaryn túrli parametrler boıynsha taldaı alady.

– Tender nátıjelerine sha­ǵym­daný ınstıtýty da engi­zil­di. Endi ótken tenderdiń nátı­­jesine qanaǵattanbaıtyn kásip­ker apellıasııalyq sha­ǵym túsire alady. Barlyq sha­ǵym­ zakup.sk.kz veb-por­talynda ashyq jarııalanady. Sonymen qatar qordyń satyp alý derek­terin Sybaılas jemqor­­lyq­­qa qarsy is-qımyl agenttigi men Básekelestikti qorǵaý jáne damytý agenttigi tekseredi. «Samuryq-Qazynanyń» barlyq taýarlardy, jumystar men qyz­­metterdi satyp alýyna kez kel­­gen adam qatysa alady. Bú­ginde bizdiń júıede 70 myń­nan astam paıdalanýshy tirkeldi, – dedi M.Turǵanbaev.

Onyń aıtýynsha, otandyq taýar óndirýshilerdi qoldaý­dyń tıimdi tetikteriniń biri – Qazaqstanda jańa óndiris­terdi qurýdy yntalandyratyn ımportty almastyrý baǵ­darlamasy. Qoldaý tásilderiniń biri offteık kelisimsharttar, ıaǵnı áli óndirilmegen ónimdi satyp alý operasııalary úshin qarjy kózderin tartý. «Sa­muryq-Qazyna» qory mundaı keli­sim­sharttardy satyp alý­larǵa birinshi bolyp engizip otyr.

Búgingi tańda 54 joba ma­qul­danyp 82,2 mlrd teń­gege 192 offteık shart ja­sal­ǵan. Ashyqtyqty arttyrý úshin Qazaq­standa áli óndiril­meı­tin 4,15 myń taza ımport pý­ly tizimdeldi. Bul – óndiris kilt­terin jasaýdan bastap mu­naı óńdeýge arnalǵan katalı­za­­tor­larǵa deıingi jobalar. Kez kelgen adam olarmen «Samuryq-Qazyna Kontrakt» jáne svoyzavod.kz saıttarynda ta­ny­sa alady. Qor aldaǵy ýa­qyt­ta ony otandyq kompanııa­lar ázir­­lep shyǵarady dep senedi.

– Jergilikti taýar óndirý­shilerge aıtarlyqtaı basymdyq berilip otyr. Olar kepildiń bar­lyq túrinen bosatyldy. Olar­ǵa shart somasynyń kemin­de 30 paıyzy mólsherinde avans tólenip, tenderde jeńildikter qarastyrylǵan. Jetkizilgen taýarlarǵa ótem tóleý mer­zimi 5 jumys kúnine deıin qys­qar­tyldy. Otandyq taýar óndirý­shi­lerden satyp alynatyn bar­lyq taýardy jetkizýdiń eń qys­qa merzimi keminde 60 kún, kúr­deli taýarlar úshin kemin­de 120 kún dep belgilendi. Pro­gram­malyq qamtamasyz etý men IT ónimderin satyp alý da tek otandyq óndirýshilerden júzege asyrylady, – dep naq­tylady Iý.Arhıpova.

Qor ókilderiniń aıtýynsha, bir kózden satyp alýlar sany 34-ten 20-ǵa deıin nemese 41 paıyzǵa qysqarǵan. Sonyń ná­tı­jesinde, 400 mlrd teń­gege jýyq satyp alý báseke­les­tik ortaǵa berildi. Bul tarapta Qarjy mınıstrligimen, Báse­ke­lestikti qorǵaý jáne damy­tý agenttigimen, ulttyq kásipker­ler palatasymen birlese otyryp básekege qabiletti emes satyp alýlardy azaıtý boıynsha jumys jalǵasýda.

– Mysaly, básekelestikten tys satyp alýlar tizbesinen strategııalyq ınvestısııalyq jobalardy iske asyrý sheń­berin­degi taýarlardy, jumys­tar men qyzmetterdi satyp alý, telekommýnıkasııa aktıvteri men jabdyqtaryn, merzimdi basylymdardy, uıaly baılanys operatorlarynyń qyzme­tin, medısınalyq tekserýler jáne basqa da jumystar men qyz­metterdi satyp alý alynyp tas­taldy. Endi bulardyń bar­lyǵy básekelestik arqyly júze­ge asyrylady. Mundaı satyp alýdy azaıtýdyń máni zor. Top ishinde satyp alý­lardyń áleýmettik quram­das bóligi bar. Qor óndiristik kásip­oryndar­dyń eńbek ujym­dary aldynda jaýapty. Sondyqtan biz tıis­ti mem­le­kettik organdardyń qaty­sýymen mundaı satyp alýlardy azaıtýdy júıeli túrde jalǵastyra beremiz, – dedi Iý.Arhıpova.

Satyp alýdyń ashyqty­ǵyn arttyrýǵa baǵyttalǵan sha­ralardy kúsheıtý úshin zakup.sk.kz satyp alý veb-por­taly ulttyq palata jáne Qarjy monıtorıngi agent­tigi­men ıntegrasııalandy. Buǵan qosa qordyń jáne en­shiles uıymdardyń satyp alý­lary týraly málimetterdi Sybaılas jemqorlyqqa qarsy is-qımyl agenttigi jáne Báse­kelestikti qorǵaý jáne damytý agenttigimen qamtamasyz etýdiń ıntegrasııa máselesin qarastyrýda. Áleýetti jet­kizýshilerdiń salyqtary bo­ıynsha málimetterdi Mem­lekettik kirister komı­tetinen alyp otyrý da josparlanǵan. Mundaı ıntegrasııa baǵanyń negizsiz ósýine, satyp alý ádisin tańdaýdyń negizdiligin baqylaýǵa múmkindik beredi. Sondaı-aq yqtımal buzýshy­lyqtardy anyqtaý maqsatynda baqylaýshy organdardyń jumysyn jeńildetedi.

Eske sala keteıik, 2022 jyldyń 1 sáýirinen bastap «Samuryq-Qazyna» AQ satyp alýdyń jańa tártibin engiz­di. Barlyq satyp alýlar bu­rynǵydaı toǵyz emes, bir qu­jatpen rettele bastady. Otandyq kásipkerlerdi qoldaý kúsheıtildi, bızneske kedergiler joıyldy, sybaılas jemqorlyq táýekelderi barynsha azaıtyldy.