Reseı Federasııasyndaǵy Ingýshetııa úkimeti tóraǵasynyń birinshi orynbasary Magomed Bekovtiń Máskeý mańynda respýblıka aýmaǵynyń shırek bóligindeı jer telimi bar ekeni málim boldy. Bul týraly RIA «Novostı» agenttigi habarlady.
Munyń deregi M.Bekovtiń ózine tıesili dúnıe-múlki kólemin jarııalaýy barysynda shyqty. Dáliregi, onyń Máskeý oblysyna qarasty Istrınsk jáne Krasnogorsk aýdandarynda jalpy kólemi 855 960 sharshy metrdi quraıtyn 179 jer telimi bar ekeni anyqtalǵan.
Magomed Bekovtiń óz sózine qaraǵanda, ol osynaý «jazıraly dalany» memlekettik qyzmetke ornalasqanǵa deıin, ıaǵnı kásippen shuǵyldanyp júrgen kezinde jekeshelendirip alǵan kórinedi.
Osy aqparatqa baılanysty ol: «Bul jerdi satyp alǵanmyn. Ony jeke-jeke jer telimderine bólip, kottedjder saldym. Sondaı-aq, joldaryn jóndep, kommýnıkasııalyq qajettilikterdi ótep, arnaıy kúzet bekitip, aınalasyn qorshadym da, sodan keıin álgi kottedjderdi satýǵa qoıdym. Bulardyń bir bóligi satyldy, al qalǵandary áli óz menshigimde. Men kásipkerlikpen aınalysyp júrgenimde bul dúnıelerimniń bári zańdy turǵyda tirkelgen», – dedi.
Joldybaı Bazar.
Derekkóz: Ria.ru.
Foto: www.uznayvse.ru.