Qańtar-sáýir aılarynda Qazaqstan ekonomıkasynyń birqatar salasynda ósim baıqaldy. Bul týraly Ulttyq ekonomıka mınıstri Álibek Qýantyrov aıtty, dep habarlaıdy Egemen.kz.
«Bıylǵy qańtar-sáýir aılarynda Qazaqstan ekonomıkasynyń ósý qarqyny 4,4% qurady. Negizgi trendter boıynsha naqty sektor ósimniń jedeldeýi, eksport kóleminiń údemeli ulǵaıýy, qyzmet kórsetý sektoryndaǵy turaqty dınamıka baıqalýda», dedi Á. Qýantyrov Úkimet otyrysynda. Mınıstrdiń aıtýynsha, naqty sektordaǵy ósim 5,1%, qyzmet kórsetý salasynda iskerlik belsendilik 3,4%-ke deıin ulǵaıǵan.
«Salalar arasynda saýda, qurylys, kólik jáne qoımalaý, aqparat jáne baılanys, óńdeý ónerkásibi, sýmen jabdyqtaý, taý-ken óndirý ónerkásibi, aýyl sharýashylyǵy oń ósim kórsetýde. Negizgi kapıtalǵa salynǵan ınvestısııalardyń ósý qarqyny 2,3%-ti qurady. Taý-ken óndirý ónerkásibin esepke almaǵanda negizgi kapıtalǵa salynǵan ınvestısııalardyń ósý qarqyny 0,7%-ti qurady», dedi ol.
Investısııalar bilim berýde – 87%-ke, memlekettik basqarý; áleýmettik qamsyzdandyrýda – 74,1%-ke, qurylys salasynda – 61,9%-ke, ǵylymı jáne tehnıkalyq qyzmette – 53,7%-ke ósken.
О́ńirler arasynda eń joǵarǵy kórsetkish Shymkent qalasynda, Aqmola oblysynda jáne Almaty qalasynda baıqalýda.