Búgin, 15 sáýir kúni Bolgarııanyń astanasy – Sofııa qalasynda ótip jatqan bokstan jastar arasyndaǵy álem chempıonatynyń ekinshi kúngi irikteý urystary bolyp ótti. Bul týraly ras.kz habarlady.
Qazaqstandyqtar sapynan bul kúni eki boksshy rıngke shyǵyp, ekeýi de jeńiske jetti. Keshki sessııada kúsh synasqan olardyń ekeýi de jeńiske jetti. Sessııany 56 kılodaǵy Sultan Záýirbek pen býtandyq Tsherıng Samdrýp arasyndaǵy urys ashty. Onda bizdiń baǵlan qarsylasynan basym tústi. Keıinirek 60 kıloǵa deıingi salmaqtaǵy Abylaıhan Júsipov AQSh-tyq Ochoas Isıdrodan basym tústi.
Bul eki jigit te Azııanyń Taılandta ótken sońǵy chempıonatynda altynnan alqa taqqan. Buǵan qosa, Abylaıhan birinshiliktiń eń úzdik boksshysy atanǵan.
Eske sala keteıik, keshe chempıonattyń birinshi kúninde 52 kılo salmaqtaǵy Ergesh Orazhan ıtalıan Vınchenso Kolellany 2:1 etip utqan bolatyn.
Erteń, 16 sáýir kúni qazaqstandyqtar qatarynan úsh atlet sharshy alańǵa shyǵady. Atap aıtqanda, kúndizgi sessııada 69 kılodaǵy Rahat Myrjyqpaev koreıalyq Jın-Hýn Parkpen, keshki sessııada 64 kılodaǵy Aıan Qalybekov ırland Ýeın Kellımen qolǵap túıistiredi. Al qyzdar arasynan 60 kılolyq Nazym Yqsanova polıak Jýstına Valaspen kúsh synasady.
Damır Qojamqul.
Derekkóz: ras.kz.
Foto: VKontakte.