Shymkenttik órt sóndirýshiler órt kezinde 2 balany qutqardy, dep habarlaıdy Egemen.kz.
2022 jylǵy 10 mamyr saǵat 18:45-te Shymkent qalasy Abaı aýdany, 4 shaǵyn aýdany R.Qabylbekov kóshesi №25 mekenjaıda ornalasqan qurylysy bitpegen ǵımarattyń jertólesinde órt bolǵan.
Jertólede 2011 jáne 2012 jyly dúnıege kelgen eki bala otpen oınap, saldarynan jertóle ishi qara tútinge oranǵan. Jas balalar syrtqa shyǵa almaı qalǵan.
Habar túsisimen tez arada oqıǵa ornyna mamandandyrylǵan jasaq qyzmetkerleri jóneltildi.
«Tútinge tunshyǵyp, úreıge boı aldyrǵan balalarmen «112» qyzmetkerleri únemi habarda bolyp, is-qımyldar tártibin túsindirip otyrdy. Jedel kezekshiniń nusqaý boıynsha balalar ústindegi kıimderimen tynys joldaryn jaýyp, barynsha tútinnen qorǵaný amaldaryn jasap otyrdy. О́rt ornyna tez jetken mamandandyrylǵan jasaqtyń qaraýyl bastyǵy R. Pısmenskıı, aǵa órt sóndirýshiler B. Sıhymbaev, B. Lesken, GTQQ aǵa sheberi О́.Qýantaı tez arada qoıý tútinge oranǵan jertólege kirip, talyqsyp jatqan balalardy der kezinde arnaıy tynys alý apparattaryna qosyp syrtqa shyǵaryp, apattar medısına ortalyǵy fılıalynyń mamandaryna tabystaǵan», delingen Shymkent qalalyq TJD taratqan habarlamada.
О́rt sóndirýshiler 2 balanyń ómirin qutqaryp qaldy. Jertólede 6 sh.m. qoqys janǵan. О́rtti sóndirýge 3 tehnıka, jeke quramnan 13 adam, apattar medısına ortalyǵy fılıalynyń 1 brıgadasy jumyldyryldy.