Qazaqstannyń sý resýrstaryn basqarý memlekettik baǵdarlamasy jáne «Memlekettik baǵdarlamalar tizbesin bekitý týraly» Qazaqstan Respýblıkasy Prezıdentiniń 2010 jylǵy 19 naýryzdaǵy №957 Jarlyǵyna tolyqtyrý engizý týraly
Qazaqstan Respýblıkasyn uzaq merzimdi kezeńde sý resýrstarymen ornyqty qamtamasyz etý maqsatynda qaýly etemin: 1. Qazaqstannyń sý resýrstaryn basqarý memlekettik baǵdarlamasy (budan ári – Baǵdarlama) bekitilsin. 2. Qazaqstan Respýblıkasynyń Úkimeti: 1) Qazaqstan Respýblıkasy Úkimetiniń Baǵdarlamany iske asyrý jónindegi is-sharalar josparyn bir aı merzimde ázirlep, bekitsin; 2) Qazaqstan Respýblıkasy Prezıdentiniń Ákimshiligine Baǵdarlamany iske asyrý monıtorınginiń nátıjelerin «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» Qazaqstan Respýblıkasy Prezıdentiniń 2010 jylǵy 4 naýryzdaǵy №931 Jarlyǵynda belgilengen merzimde jáne tártippen engizsin. 3. Ortalyq jáne jergilikti atqarýshy organdar, sondaı-aq Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar Baǵdarlamany iske asyrý jóninde sharalar qabyldasyn. 4. «Memlekettik baǵdarlamalar tizbesin bekitý týraly» Qazaqstan Respýblıkasy Prezıdentiniń 2010 jylǵy 19 naýryzdaǵy №957 Jarlyǵyna (Qazaqstan Respýblıkasynyń PÚAJ-y, 2010 j., №25-26, 185-qujat; 2011 j., №3-4, 39-qujat; 2012 j., №9, 171-qujat; №47, 626-qujat; 2013 j., №11, 200-qujat) mynadaı tolyqtyrý engizilsin: joǵaryda atalǵan Jarlyqpen bekitilgen Memlekettik baǵdarlamalar tizbesi mynadaı mazmundaǵy rettik nómiri 10-jolmen tolyqtyrylsyn: «10. Qazaqstannyń sý resýrstaryn basqarý memlekettik baǵdarlamasy Qazaqstan Respýblıkasy Qorshaǵan orta jáne sý resýrstary mınıstrligi 2013 jylǵy 30 qazanǵa deıin 2014 – 2020 jyldar 2013 jylǵy 31 jeltoqsanǵa deıin». 5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. 6. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 4 sáýir.Qazaqstannyń sý resýrstaryn basqarý memlekettik baǵdarlamasyna
TÚSINIKTEME
Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda XXI ǵasyrdyń jahandyq on syn-qateriniń biri bolyp belgilengen boljamdalatyn sýdyń tym tapshylyǵy jáne sol úshin bizdiń memlekettiń sý resýrstaryna qatysty jańa saıasat tujyrymdaý qajettigi týyndady. Úkimetke dáıektilikpen, birinshi kezeńde 2020 jylǵa qaraı – turǵyndardy aýyzsýmen qamtamasyz etý, 2040 jylǵa qaraı sýarý problemasyn sheshetin uzaq merzimdi baǵdarlama jasaý tapsyrdy. 2014 jylǵy 4 sáýirde Qazaqstan Respýblıkasy Prezıdentiniń №786 Jarlyǵymen Qazaqstannyń sý resýrstaryn basqarý memlekettik baǵdarlamasy bekitildi. Memlekettik baǵdarlamanyń strategııalyq maqsaty sý resýrstaryn basqarýdyń tıimdiligin arttyrý arqyly Qazaqstan Respýblıkasynyń sý qaýipsizdigin qamtamasyz etý bolyp tabylady. Memlekettik baǵdarlamanyń: sý únemdeý jáne qolda bar sý resýrstarynyń kólemin ulǵaıtý jónindegi sharalardy júzege asyrý arqyly halyqty, qorshaǵan ortany jáne ekonomıka salalaryn sý resýrstarymen kepildi qamtamasyz etý; sý resýrstaryn basqarý tıimdiligin arttyrý; sýdyń ekologııalyq júıeleriniń saqtalýyn qamtamasyz etý basty mindetteri bolyp tabylady. Baǵdarlama ekojúıeni saqtaý úshin sý resýrstary tapshylyǵyn boldyrmaý, halyqty, ekonomıkanyń josparlanǵan ósimin qamtamasyz etý, sondaı-aq sý resýrstaryn basqarý júıesin jetildirý máselesin sheshýge baǵyttalǵan. Sý sharýashylyǵy ınfraqurylymdy jetildirý jáne damytý, sý resýrstaryn tıimdi paıdalaný, eldi mekenderdi sýmen qamtý jáne sý burý júıelerin jetildirý, sondaı-aq sý resýrstaryn tıimdi basqarý boıynsha sharalar esebinen 2020 jylǵa qaraı sý resýrstarynyń kútiletin tapshylyǵyn qysqartý jónindegi sharalar kózdelgen. Usynylǵan sharalar birinshi kezeńde 2020 jylǵa qaraı sý tutynýdy IJО́ birligine alǵanda naqty mánde 2012 jyldyń deńgeıinde alǵanda 33%-ǵa tómendetýge múmkindik beredi jáne bul Memlekettik baǵdarlamany iske asyrýdyń basty ındıkatory bolyp tabylady. Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi