Gavana qalasyndaǵy Saratoga qonaqúıinde bolǵan jarylystan qaza tapqandar sany 44-ke jetti, taǵy 16 adam aýrýhanada jatyr, onyń altaýy aýyr halde, dep habarlaıdy Egemen.kz Kaz.tengritravel.kz-ke silteme jasap.
«12 mamyrdaǵy jaǵdaı boıynsha, 98 adam zardap shekken, onyń 16-sy aýrýhanaǵa jatqyzylǵan, 38 adam aýrýhanadan shyǵaryldy jáne 44 adam qaıtys boldy», delingen mınıstrliktiń Telegram-kanalynda.
Aýyr halde jatqan alty adamnyń ekeýi bala. Jalpy kámeletke tolmaǵan tórt bala aýrýhanaǵa jatqyzylǵan.
Eske sala keteıik, ótken aptada gavanalyq Saratoga qonaqúıinde tańǵy ýaqytta jarylys boldy. Jarylystyń saldarynan qonaqúı janyndaǵy 17 ǵımarat zaqymdalǵan, onyń ishinde mektep te bar. Jarylys boljammen gaz toly sısternanyń tutanýynan bolǵan. Bılik bul jaǵdaıdy jazataıym oqıǵa dep atady.
Aıana Toǵanbek