ÁLEM О́TKEN APTADA

Reseı prezıdenti Dmıtrıı Med­vedevtiń Túrik Respýb­lıka­sy­na resmı sapary óte sátti ótti deý­­ge bolady. Eki el arasyn­daǵy yntymaqqa jetkizetin kóp­tegen qujattarǵa qol qoıyldy, tilek­ter aıtyldy. Endi olar bir-birine vı­za­­syz bara alady. Bul elderdiń túrli sharýashylyq salasyna ın­ve­s­tı­sııa salý kólemi 25 mıl­lıard dollar quraıtyny kóp jaıdy ańǵartady.

KELISIM BUZYLDY

Osydan biraz buryn Taı­landtaǵy bılik pen oppozısııa arasyndaǵy qaqtyǵysty toqtatý jóninde kelisimge qol jetken bolatyn. Bıliktegiler jyl aıaǵy­na deıin parlament saılaýyn ótkizýge, kabınettiń qyzmetinen ketýine mindettenip edi. Munyń esesine oppozısııa qarsylyq áre­ket­­terin toqtatýy tıis bola­tyn. Biraq oppozısııa toqtatpa­dy, qaıta astananyń iskerlik aımaǵynda áreketterin kúsheıtti. Buǵan premer-mınıstr Abhasıt Vetchachıva da pármendi sharalar­men qarsy jaýap berip otyr.

О́ZDERINEN BASTADY

Ulybrıtanııanyń jańa saı­lan­ǵan, konservator Devıd Keme­ron bastaǵan koalısııalyq úki­metiniń músheleri óz jalaqy­laryn 5 paıyzǵa kemitýge kelise­ti­nin má­lim­dedi. Ondaǵy maqsat – bıýd­jet tapshylyǵyna qarsy kúres. Jańa taǵaıyndalatyn­darǵa bul onshalyqty áser et­peıdi. Tipti sol 5 paıyzǵa kemi­til­gen jalaqynyń ózi aıtarlyq­taı joǵary jáne jańa kelgen­der­ge onshalyqty ańǵarylmaıdy. Al burynnan alyp kele jatqan jalaqyny qysqartý aýyr bolar edi. Onyń esesine, endi basqa­lardyń aılyǵynan qys­qartý­dy talap etý jeńil.

IRANDA – JAŃA QARÝ

Jaqynda ótken segiz kúndik ás­kerı jattyǵý kezinde Iran qarýly kúshteri jańa torpedolar men “jer-teńiz” klasyndaǵy “Fadjr-5” zymyrandarynyń sońǵy mo­delin synaqtan ótkizdi. Jáne ol oı­daǵydaı ótti dep ha­bar­lady. Bul qarýlar sý astyn­daǵy nysandardy joıýǵa baǵyt­talatyn kórinedi.

ChAVESKE BÁRI LAIYQ

Venesýela úkimetiniń Meksı­ka­nyń menshigi sanalatyn azyq-túlik óndiretin “Monaka” kompa­nııa­­syn memleket menshigine al­ǵa­ny biraz shý týdyrdy. Kom­panııa basshy­lary budan beı­habar bolǵan. Úki­met sheshimin estip, olar tań-tama­sha qalypty. Bul elde buryn da talaı ret osylaı bolǵan eken. Pre­zıdent Ýgo Chaves sheshim qabyldaı­dy da, kompanııalar, kásiporyndar memleket menshigine kóshe beredi.

PÁRÁNJISIZ PARIJ

Fransııanyń Ulttyq jına­ly­synyń depýtattary “adamnyń jú­zin jaýyp turatyn kıim kııýge ty­ıym salý” jónindegi qarardy qol­dap daýys berdi. Olardyń piki­rin­she, páránji kııý “respýb­lıka­lyq qundylyqty buzǵan­dyq” bo­lyp ta­by­lady eken. Úki­met soǵan sáı­kes zań daıyn­dap jatyr, ol bo­ıynsha “qoǵamdyq orynda júzin jap­qan kıim” kı­gen­derge 150 eýro aıyp salyn­baq. Bul zań parla­mentte beki­tiledi. Fransııada 5 mıl­­lıon­daı musylman ómir súre­di, eki myńdaı áıel páránji kıedi eken.

PERIShTE QAQQAN

Sársenbi kúni Lıvııanyń as­ta­nasy Trıpolıdiń áýe­ja­ıynda Ońtústik Afrıka Respýblıka­synan ushyp kelip, qonar sátte A300-200 aerobýs ushaǵy apatqa ushyrap, 93 jolaýshy men 11 ekıpaj múshesi qaza tapty. Tek segiz jasar bala ǵana aman qaldy. Osy apattyń sal­darynan búkil ushaqtyń byt-shyty shyǵyp, jaı temir-tersekke aınal­ǵanyn kór­gende, álgi bala­nyń qalaı aman qalǵanyna tań­danasyń. Sirá, perishte qaqqan dep osyn­daıda aıtsa kerek.

QARAQShYLARǴA QATALDYQ

Jaqynda Somalı qaraqshy­larynyń bir toby “Moskovskıı ýnıversıtet” tankerine shabýyl jasaǵanda, Reseıdiń ekinshi áskerı “Marshal Shaposhnıkov” kemesi­niń arnaýly bólimshesi qaraq­shy­lardy tutqyndap, otan­dastaryn qutqarǵany belgili. Sonan soń reseılikter qaraqshy­lardy úrmeli qaıyqqa mingizip, ashyq teńizge bosatyp jiberedi. Jaǵalaýdan 300 mıl qashyqtan ashyq teńizge jiberý olardy tikeleı ólimge kes­ken­men birdeı edi. Qazir olar­dyń barlyǵynyń qaza bolǵany anyqtalyp otyr. Sondaı-aq re­seı­likter qaraqshy­lardy aldyn ala atyp óltirip, olardyń dene­lerin odan keıin qaıyqqa salyp, teńizge jibergen degen de sóz bar.

Ázirlegen  Mamadııar JAQYP.