Búgin, 15 mamyr kúni Stambulda bokstan áıelder arasyndaǵy álem chempıonatynyń 1/8 fınaldyq jekpe-jekteri ótedi, dep habarlaıdy Egemen.kz UOK-ke silteme jasap.
Kúndizgi sessııada Qazaqstan quramasynyń qos boksshysy sharshy alańǵa shyǵatyn bolady. 52 kıloǵa deıingi salmaq dárejesinde Jaına Shekerbekova japonııalyq Rınko Kınoshıtamen shırek fınaldyq joldamany sarapqa salady. Al 54 kıloda judyryqtasatyn Dına Jolaman kanadalyq Skarlett Delgadoǵa qarsy shyǵady.
Aıta ketsek, keshki sessııa Nur-Sultan ýaqytymen saǵat 21:00-de bastalady. Alaıda keshki sessııaǵa qazaqstandyq sportshylar qatyspaıdy.