Aqparat jáne qoǵamdyq damý mınıstri Asqar Omarov Túrkııa Respýblıkasyna is-sapary barysynda Ázirbaıjan Respýblıkasy prezıdentiniń kómekshisi – Prezıdent Ákimshiligi ishki saıasat bóliminiń jetekshisi Hıkmet Gadjıev bastaǵan Ázirbaıjan BAQ salasynyń ókilderimen kezdesý ótkizdi, dep habarlaıdy Egemen.kz vedomstvo baspasóz qyzmetine silteme jasap.
Kezdesýde «Balapan», «Kazakh tv», «Habar24» telearnalaryn Ázirbaıjan aýmaǵynda kórsetý usynyldy.
Mınıstr qazaqstandyq nıshalyq telearnalardyń Ázirbaıjan aýmaǵynda habar taratýyn qamtamasyz etý úshin naqty sharalar qabyldanatynyn aıtyp, ázerbaıjandyq mamandardy Ortalyq Azııadaǵy eń iri medıashara – Astana Media Week aptalyǵyna shaqyrdy.
Ázirbaıjan tarapy Qazaqstannyń BAQ salasyndaǵy, onyń ishinde anımasııa óndirýdegi tájirıbesine qyzyǵýshylyq tanytyp, sharaǵa qatysýǵa nıetti ekendikterin jetkizdi.