Harkov qaqtyǵysy

Harkov meri Igor Terehov VVS-ge bergen suhbatynda Reseı áskerleri Ýkraınanyń ekinshi úlken qalasy mańaıynan ketip jatqanyn aıtqan kórinedi. Sońǵy eki aptada Ýkraına qa­rý­ly kúshteri Harkov obly­syn­daǵy birneshe eldi meken­di azat etti. Tipti keı baǵyt­ta Ýk­raı­nanyń memle­ket­tik shekarasyna deıin jetken-di. Reseı áskeri Harkov qalasyna kirgen joq, biraq shaharǵa jaqyndap, aýyr artıllerııanyń búkil tú­ri­­nen oq jaýdyrdy.

Zymyran saldarynan Har­kov qalasynyń ortalyq ala­ńyn­daǵy oblystyq memle­ket­tik ákimshiliktiń ǵımaraty, Ýk­raı­na­nyń ishki ister mınıstr­li­gi men qaýipsizdik qyzmetiniń keńseleri, sondaı-aq qalalyq ákimdik ǵı­ma­­raty qıraǵan. Sha­hardaǵy Severnaıa Saltovka turǵyn aýda­ny artıllerııalyq atqylaýdan qat­ty zardap shek­ti. Ondaǵy úı­ler qırap, tur­ǵyndardyń kóp­shi­li­gi bosyp ketýge májbúr boldy.

BBC agenttigine suhbat bergen Terehovtyń aıtýynsha, Ýkraı­na qarýly kúshteriniń qarsy shabýyly bastalǵaly bes kún­nen beri Harkovty atqylaý toqtaǵan. Osy ýaqyt ishinde Reseı sarbazdary Harkov áýe­jaıy aımaǵynda zymyran ushyrýǵa áreket jasaǵan eken. Biraq ony Ýkraınanyń áýe qorǵanys kúshteri atyp túsirgen.

Sondaı-aq qalany atqylaý­dyń saldarynan tramvaı parki­niń jartysynan astamy jáne 35 shaqyrym elektr jelisi qıraǵan. Sondyqtan qoǵamdyq kólikter biraz ýaqytqa deıin tolyqqandy jumys isteı almaıdy. Metro da toq­tap tur.

Amerıkalyq soǵysty zertteý ınstıtýty (ISW) 13 mamyr kúni keshke jarııalanǵan zert­teýinde reseılik áske­rı­ler Harkov tó­ńi­regindegi pozısııa­laryn toly­ǵymen tas­taýǵa she­shim qa­byl­dady dep málim­dedi.

Munyń basty sebebi retinde Ýkraına áskeriniń qarsy shabýyly sátti júrip jatqa­nyn, Donbastaǵy reseılik bólimshe­ler­di kúsheıtý qajettigi dep esep­teıdi. Degenmen Reseı ás­keri áli de Harkov obly­syn­daǵy birneshe mańyzdy eldi me­kendi baqylaýynda ustap otyr. Sol arqyly temir jolmen Donbass aımaǵyndaǵy áskerin qam­tamasyz etpek. Sonymen qatar Izıým baǵyty da asa ma­ńyzǵa ıe.

Ýkraına prezıdenti keńsesi basshysynyń keńesshisi Alekseı Arestovıch senbi kúni YouTube-tegi Feıgın-Live arnasyna bergen suhbatynda ýkraın kúsh­te­ri Izıým baǵytynda qarsy shabýylǵa shyqqanyn habarlady. 

О́tken jumada Ýkraına tarapy Donbassta ózennen ótpek bolǵan Reseıdiń brondy kolon­nasyn qıratqanyn málim­de­di. Reıter agenttiginiń habarlaýynsha, Ýkraınanyń áýe-shabýyl­daýshy áskerleriniń qolbas­shy­ly­ǵy taratqan kadr­larda órtenip ketken ondaǵan brondy kólik pen sýǵa batqan ponton kópiri kórsetilgen. Sondaı-aq qırap qal­ǵan onda­ǵan tank, brondy kó­lik pen túrli áskerı tehnıka bar.

Áıtse de, sarapshylar Har­kov mańyndaǵy soǵys aıaqtaldy dep eseptemeıdi. Reseı tara­py bul qalaǵa taǵy da sha­býyl jasaýy múmkin. Son­dyq­­tan Ýkraına tarapy shahar tur­­ǵyndaryn bosańsymaýǵa shaqyryp otyr.