Keleli is bastaýynda – kedenshiler

Qyzylorda oblysy boıynsha Kedendik baqylaý departamentinde Konsýltatıvtik keńestiń kezekti májilisi ótti. Májiliste jańa erejelerdiń biri – Keden odaǵynyń aýmaǵyna temirjolmen ákelinetin taýarlar týraly mindetti aldyn ala aqparattandyrý máselesi talqylandy. Aldaǵy qazan aıynan bastap kúshine enetin bul erejeniń birneshe artyqshylyqtary bar. Mysaly, aldyn ala aqparattandyrýdy tranzıt deklarasııasynyń elektrondy kóshirmesi esebinde paıdalanýǵa bolady. Sondaı-aq, júktiń ótý ýa­qyty edáýir qysqarady. Mysaly, ót­kizý pýnktinde turǵan keden óki­limen baılanysýdyń qajeti joq jáne taýardy bosatý týraly sheshim qabyldaýǵa az ǵana ýaqyt jumsalady. Odan soń «Taýarlarǵa arnalǵan deklarasııada kórsetilgen máli­metterge ózgerister men qosym­shalar engizýdiń  tártibi týraly»  Eýrazııa Ekonomıkalyq komıs­sııasynyń sheshimi týraly sóz boldy.  О́ńirge keletin taýarlardyń ne­gizgi tasqyny «Qyzylorda-Kedendik resimdeý ortalyǵynan» ótedi. Keden beketiniń basshysy A.Qarlyhanov taýar deklarasııasyn toltyrý barysynda qaı jerde qandaı málimetti ornalastyrýdaǵy jańa talaptardy túsindirdi. Sonymen qatar, kedenshiler ústimizdegi jyldyń 22-23 mamyryna josparlanyp otyrǵan VII Astana ekonomıkalyq forýmy jáne II Daǵdarysqa qarsy búkilálemdik konferensııa týraly habarlama jasady. Álem halyqtarynyń biryńǵaı jáne teń quqyly únqatysýy, zertteý­ler júrgizý, memlekettik, qo­ǵamdyq, aqparattyq jáne bıznes qurylymdaryn keńinen tar­tý arqyly ulttyq ekonomı­kalardy jáne ǵalamdyq qaýymdastyqty damytýdyń ózekti problemalary jóninde usynystar men baǵ­dar­lamalar ázirleý úshin qurylǵan G-Global saıtynda ınteraktıvti, ashyq jáne buqaralyq pikirta­las­tarǵa qatysý múmkindigi túsin­dirildi. Qyzylorda oblysy boıynsha Kedendik baqylaý departamentiniń málimetterine kóz júgirtsek, qy­zylordalyq kedenshiler I toqsan qorytyndysy boıynsha bıýdjetke 3 mıllıard 63 mıllıon 210 myń teńge kedendik tólemder men salyqtar túsirgen eken. Bul aldyn ala jasalǵan boljamdy tapsyrma 100,1 paıyzǵa oryndaldy degen sóz. 2014 jyldyń alǵashqy toqsanynda oblystyń syrtqy saýda aınalymy 366 mıllıon 291 myń AQSh dollaryn qurady. Muny ótken jyldyń esepti kezeńimen salystyra qarasaq, syrtqy saýda aınalymy  7 mıllıon 396 myń dollarǵa kemigenin kóremiz. Kedendik aýdıt boıynsha, syrtqy ekonomıkalyq qyz­met­ke qatysýshylardyń qyzme­tine 3 josparly jáne 9 kameral­dyq tekserý júrgizildi, nátıje­sin­de bıýdjetke 104 mıllıon teńge keden tólemderi men salyq­ta­ry qosymsha eseptelindi. Depar­ta­menttiń kontrabandaǵa qarsy kúres basqarmasy barlyǵy 6 qyl­mys­tyq is qozǵap, 24 mıllıon 475 myń teńge  memleket paıdasyna shyǵyn óndirgen. Qysqasy, kedennen keler shyǵynnan paıda zor. Erjan BAITILES, «Egemen Qazaqstan». QYZYLORDA.