Jartylaı orta salmaqta IBO tujyrymy boıynsha álem chempıony qazaqstandyq Danııar Eleýsinov (11-0,6 KO) óziniń kezekti jekpe-jegin maýsym aıynda ótkizetin boldy.
Triller Fight Club promoýterlik kompanııasy uıymdastyratyn boks keshi 25 maýsymda AQSh-ta ótedi. Otandasymyzdyń qarsylasy – ýkraınalyq Ivan Golýb (20-1, 15 KO). Tartysty báseke 12 raýndqa josparlanyp otyr. Aldyn ala málimet boıynsha Danııar Eleýsinov bul jekpe-jekte ózine tıesili IBO belbeýin alǵash ret qorǵamaq.
Esterińizde bolsa, D.Eleýsinov byltyr jeltoqsan aıynda elordada ótken boks keshinde argentınalyq Hýan Ernan Lealdan (15-1) upaı sanymen basym túsip, IBO beldigin jeńip alǵan edi. 2018 jyldan bastap kásipqoı boksta óner kórsetip kele jatqan otandasymyz búginge deıin 11 jekpe-jek ótkizip, onyń barlyǵyn jeńispen aıaqtaǵan. Alty qarsylasynan merziminen buryn basym túsken.