Túrkistandyq polıseıler iri kólemde sıntetıkalyq esirtkilerdi áleýmettik jeli arqyly satyp júrgen shymkenttik jigitti ustady, dep habarlaıdy Egemen.kz Polisia.kz-ke silteme jasap.
Túrkistan oblysy PD Esirtki qylmysyna qarsy is-qımyl basqarmasynyń qyzmetkerleri shalbarynyń qaltasyna jáne birneshe jerge kómip, esirtki saqtaǵan, oǵan qosa Telegram arqyly satqan er adamdy ustady.
Er adamnan aıǵaqty zat retinde 50-den astam polıetılen paketke salynǵan sıntetıkalyq esirtki alyndy. Naqtyraq aıtar bolsaq, oblystyq Esirtki qylmysyna qarsy is-qımyl basqarmasynyń qyzmetkerleri kúndelikti esirtki qylmysyn anyqtap, jolyn kesý baǵytynda júıeli jumys júrgizip keledi.
Osy baǵytta kezekti jedel ýákildermen tyńǵylyqty atqarylǵan shuǵyl izdestirý is-sharalary nátıjesinde, Shymkent – Samara tas jolynyń boıynda Toyota avtokóligi toqtatyldy. Kólik ishindegi jolaýshyǵa tintý júrgizý barysynda onyń shalbarynyń sol qaltasynan 36 dana sary tústi ızolentaǵa oralǵan esirtki zatyna uqsas untaq tabylyp, tárkilenip alyndy.
Sondaı-aq ustalǵan jas jigittiń telefonyn qaraý barysynda Telegram áleýmettik jelisi arqyly esirtki satýmen aınalysqany belgili boldy. Tııanaqty tekserý kezinde kúdiktiniń Túrkistan qalasy aýmaǵynda sıntetıkalyq esirtki salynǵan oramalardy ózi belgilegen jerge kómip, sol arqyly satatyny anyqtaldy.
Kúdikti er azamat 15 dana oramanyń kómilgen ornyn kórsetti. Osylaısha shymkenttik kúdiktiden ishinde sıntetıkalyq esirtkige uqsas zaty bar 53 dana orama alynyp, sot-hımııalyq saraptama taǵaıyndaldy. Zertteý qorytyndysyna sáıkes, tárkilenip alynǵan esirtki jalpy salmaǵy 50 gramnan astam mefedron sıntetıkalyq esirtkisi ekeni anyqtaldy.
Atalǵan jaıtty polısııa qyzmetkerleri SDTBT-ǵa QR QK-niń 297-baby (Esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) boıynsha tirkeýge aldy. Qazirgi tańda kúdikti, ıaǵnı Shymkent qalasynyń turǵyny, jas jigit qamaýǵa alyndy.
Aıana Toǵanbek