El damýynyń bolashaǵyna arnaldy

Aqparat jáne qoǵamdyq damý mınıstrligi Qoǵamdyq kelisim mekemesiniń dırektory Ǵalymjan Qusmanǵalı BAQ ókilderimen birge qazirgi tańda eldegi ózekti máse­lelerdiń biri – konstıtýsııalyq reformalar men respýblıkalyq referendým jaıynda pikirlesti. Ashyq áńgime formatynda órbigen kezdesýge BAQ ókilderimen qatar blogerler jáne Nur-Sultan qalasy etnomádenı birlestikteriniń ókil­deri qatysty.

«Jalpy Prezıdent usynǵan reformalar – el ómiriniń barlyq salasyn qamtıtyn keshendi jos­par. Sol sebepti ol ózgeristerdi ómir­ge engizý bárimizdiń, ıaǵnı árbir Qazaq­stan azamaty­nyń atsalysýyn qajet etedi. Árbir qazaqstan­dyq­tyń pikiri el taǵdyry úshin mańyzdy. О́z ke­ze­ginde referendým sııaqty saıası tetiktiń 27 jyl ótkennen keıin qol­danylýy, aldaǵy ýaqytta qabyl­danatyn sheshimniń tarıhı mańyz­­dy­lyǵyn taǵy da bir márte aı­qyn­datyp otyr. Re­ferendýmda kons­tı­tý­sııalyq reformalar­dy qol­daýy­myz – Memleket basshysy usynǵan Jańa Qazaqstan men Ekinshi Respýblıka ıdeıasyn jan-jaqty qoldaýdyń naqty kórinisi bolmaq. Aldaǵy reformalar Assambleıa qyzmetin de qamtıdy. Qazaqstan halqy Assambleıasy táýelsizdik jyldary halyq birligin nyǵaıtý isine belsendi aralasqany barshamyzǵa belgili. Degenmen, ózgerister – qazirgi zaman talaby», dedi Ǵalymjan Qusmanǵalı óz sózinde.

Búgingi kúni qoǵamdyq kelisimde de birqatar ózgeris oryn aldy. Máselen, Assambleıanyń ózimen qatar qurylymdarynyń da, onyń ishinde Jýrnalıster klýbynyń da jumysy jańa formatqa kóshken. Quramy jańardy. Endi klýb tizginin Abai TV telearnasynyń dırektory Azamat Keńesuly júrgizedi.

Esterińizge sala keteıik, Qazaq­stan halqy Assambleıasy janyndaǵy Jýrnalıster klýby etnosaralyq máselelerdi qamtý baǵy­tynda jýr­nalıstik etıka qaǵıdattaryn qalyp­tas­ty­ryp, jaýapkershilikti kúsheıtý úshin respýb­lı­kalyq jáne óńirlik BAQ ókilderiniń, atap aıt­qanda jýrnalısterdiń, blogerler men sa­rap­shylardyń kúsh-jigerin bir arnada toǵys­tyrý maqsatynda 2009 jyly qurylǵan bolatyn.