Bir áıel qursaǵyn jaryp shyqqan perzentin Shymkent qalasyndaǵy meshitterdiń birine tastap ketken. Balany meshit ımamynyń kómekshisi kórip qalǵan. Bul týraly i-News.kz saıty habarlady.
Imam kómekshisi Saıan Ysqaqov meshit ishin tekserip júrgende, bólmelerdiń birinen alańsyz uıyqtap jatqan náresteni baıqap qalady. Biraq sábıdiń anasy kózine túse qoımaıdy. Sodan keıin ımamnyń kómekshisi jergilikti polısııa qyzmetkerlerine atalmysh jaǵdaıdy habarlaǵan.
Sodan polıseıler shuǵyl iske kirisip, aınalasy jarty saǵattyń ishinde balasyn tastap, izin jasyrmaq bolǵan 40-45 jastaǵy áıeldi taýyp alady. Áıel janar-jaǵar maı quıatyn stansalardyń birin tóńirektep júrgen eken.
Keıin anyqtalǵandaı, balasynan bezgen áıel Ońtústik Qazaqstan oblysy, Qazyǵurt aýdanynyń turǵyny bolyp shyqty.
Qazir Shymkent qalasy Abaı aýdandyq ishki ister bólimine jetkizilgen áıelden jaýap alynýda.
Joldybaı Bazarov.
Derekkóz: i-News.kz.
Foto: zamana.