Fransııanyń astanasy – Parıjde «Úlken dýlyǵa» sanatyndaǵy eń iri tórt jarystyń ekinshisi – «Rolan Garros» týrnıriniń irikteý kezeńderi ótip jatyr. Al jarystyń resmı shymyldyǵy 22 mamyrda túriledi. Oǵan deıin sportshylar irikteý saıystaryn ótkizip, negizgi kezeńge shyǵý úshin sheberlik baıqasady. Tennısshiler arasyndaǵy álemdegi eń bedeldi jarystyń biri sanalatyn dodada Qazaqstannyń birneshe ókili óner kórsetedi.
Qazaqstandyq tennısshilerden týrnırdiń negizgi kezeńine áıelder arasynda Elena Rybakına men Iýlııa Pýtınseva, erlerden Aleksandr Býblık tikeleı joldama aldy. Juptyq synda Andreı Golýbev, Anna Danılına, Aleksandr Nedovesov, sondaı-aq A.Býblık pen E.Rybakına da baq synaıdy dep josparlanǵan. О́tken jyly osy jarystyń juptyq básekesinde A.Golýbev pen A.Býblık fınalǵa deıin jetip, bas júlde úshin bolǵan saıysta fransııalyq Nıkolıa Maıý men Per-Iýg Erberge ese jibergen edi – 6:4, 6:7 (1:7), 4:6. Al erler arasyndaǵy Qazaqstannyń birinshi raketkasy Aleksandr Býblık 2019 jáne 2020 jyldary eki ret týrnırdiń ekinshi kezeńine deıin jetken bolatyn.
Sonymen qatar byltyr áıelder arasynda elimizdiń birinshi raketkasy E.Rybakına da Parıj korttarynda sátti oınap, reseılik Anastasııa Pavlıýchenkovamen birge juptyq básekede shırek fınalǵa deıin jetip, jekeleı synnyń shırek fınalyndaǵy asa tartysty oıynda týrnırdiń bolashaq fınalısi A.Pavlıýchenkovadan utylyp qalǵan edi – 7:6 (7:2), 2:6, 7:9. Iýlııa Pýtınseva úshin Fransııanyń ashyq chempıonaty óziniń eń súıikti týrnırleriniń biri sanalady. Sebebi ol eki ret «Rolan Garrostyń» shırek fınalyna deıin jetti.
Sondaı-aq jarystyń irikteý saıystaryna Zarına Dıas, Dmıtrıı Popko jáne Tımofeı Skatov qatysýda. Jaraqatynan emdelip jatqan Mıhaıl Kýkýshkın bul týrnırge qatysa alǵan joq. Irikteý saıystarynyń alǵashqy aınalymynda Dmıtrıı Popko álemdik reıtıngte 141-orynda turǵan argentınalyq Hýan Londeromen sheberlik baıqasady. Eki tennısshi buǵan deıin 2018 jyly Ýrýgvaıda ótken halyqaralyq týrnırde kezdesip, jerlesimiz úsh sette 2:6, 6:4, 6:4 esebimen jeńiske jetken. Tımofeı Skatov amerıkalyq Mıtchell Krıýgermen (145) kúsh synasady. Tımofeı men Mıtchell alǵash ret bıyl jyl basynda Aýstralııadaǵy týrnırde jolyǵyp, Krıýger eki sette – 6:1, 6:0 esebimen basym túsken bolatyn.
Zarına Dıas irikteýdiń alǵashqy kezeńinde reseılik Anastasııa Gasanovamen (155) kelesi aınalymnyń joldamasyn sarapqa salady. Eki tennısshi buǵan deıin bir-birimen kezdespegen.
Aıta keteıik, bıylǵy «Rolan Garros» týrnıriniń jalpy júlde qory – 43,6 mln eýrony quraıdy. Birinshi aınalymda jeńilis tapqandar 62 myń eýro alsa, chempıondar 2,2 mln eýroǵa deıin tabys tabady.