Densaýlyq saqtaý mınıstri Ajar Ǵınııat koronavırýstyq ınfeksııanyń «stels-omıkron» jańa shtamy týraly aıtty, dep habarlaıdy Egemen.kz.
Vedomstvo basshysynyń aıtýynsha, «stels-omıkron» Qazaqstannyń 12 óńirinde, negizinen, Almaty, Nur-Sultan sııaqty iri megapolısterde anyqtalǵan.
«Koronavırýstyq ınfeksııanyń bul túri «deltaǵa» qaraǵanda jeńilirek. Biraq qaýipi de az emes, óıtkeni ol tez taralyp, qaıtalanatyn aýrýǵa ákeledi. Syrqattanýshylyq deńgeıine kún saıyn monıtorıng júrgiziledi. Sımptomdarmen emdeletin barlyq pasıentter tolyq em alady. Biz bul shtamm aýrýdyń osyndaı aǵymynda qandaı da bir karantındik sharalarǵa ákeledi dep oılamaımyz», dedi Ajar Ǵınııat.
Mınıstr qazir barlyq karantındik sharalar alynyp tastalǵanyn jáne negizinen halyq arasynda profılaktıkalyq jumystar júrgizilip jatqanyn aıtty.