Senat depýtattary Aqylbek Kúrishbaev, Lázzat Súleımen jáne Edil Mamytbekov Lev Gýmılev atyndaǵy Eýrazııa ulttyq ýnıversıtetiniń stýdentterimen kezdesti.
Otyrys barysynda senatorlar Konstıtýsııaǵa engizilgen ózgerister elimizde júrgizilip jatqan saıası reformalar aıasynda júzege asyrylyp jatqanyn atap ótti. Aqylbek Kúrishbaev jınalǵandardyń nazaryn Konstıtýsııaǵa engizilgen ózgerister aıasynda jer máselesi túbegeıli ózgertiletinine aýdardy. Jer halyqtyń menshigine aınalady.
«Bul ózgerister Jańa Qazaqstandy qurýdyń negizi bolady. Sondyqtan jastardyń muny túsinip, referendým naýqanyna qatysýy óte mańyzdy. Bizde aqyldy, ónerli oqýshylar kóp ekenin bilemin. Sondyqtan men elimizdiń bolashaǵyna tolyq senimdimin», dedi depýtat.
Senator Lázzat Súleımen bul sheshimder men ózgertýler arqyly Memleket basshysy «sýperprezıdenttik» basqarý júıesinen kúshti Parlamenti bar prezıdenttik basqarý júıesine kóshý týraly sheshim qabyldaǵanyn aıtty. О́z kezeginde depýtat Edil Mamytbekov Konstıtýsııaǵa ózgerister men tolyqtyrýlardyń jalpyhalyqtyq referendýmda engizilýi tarıhı oqıǵa ekenin basa aıtyp, bul úderiske barsha qazaqstandyqtardyń qatysýynyń mańyzdylyǵyn atap ótti.
Sonymen qatar, kezdesý barysynda stýdentter senatorlarǵa memlekettik tildi damytý, jerdi paıdalaný sekildi ózderin qyzyqtyrǵan suraqtardy qoıdy.