Dúnıejúzilik gımnazıadaǵa Qazaqstan namysyn qorǵaýǵa attanǵan oqýshylar jarystardyń alǵashqy 3 kúninde 14 medal enshiledi, dep habarlaıdy Egemen.kz.
«О́tken aptada biz 250-ge jýyq oqýshymyzdy Fransııaǵa shyǵaryp saldyq. Olar alǵash ret Dúnıejúzilik gımnazıadaǵa qatysyp, álemniń 70-ke jýyq elinen kelgen qurdastarymen baq synasyp jatyr. Jarystyń alǵashqy 3 kúninde oqýshylarymyz 14 medal jeńip aldy. Ulttyq qurama qorjynynda 8 altyn, 3 kúmis jáne 3 qola medal bar. Dzıýdo, taekvondo jáne júzý jarystaryna qatysýshylar altyn, jeńil atletter men dzıýdoshylar kúmis, sondaı-aq dzıýdoshylar men taekvondoshylar qola júldeger atandy», dep jazdy QR Bilim jáne ǵylym mınıstri Ashat Aımaǵambetov áleýmettik jelidegi paraqshasynda.
Mınıstr barlyq jeńimpazdy jeńisimen quttyqtady.
«Ár medal – eńbektiń, tabandylyqtyń, eńbekqorlyq pen tártiptiń jemisi. Jaqsy daıyndyq deńgeıin kórsetken muǵalimderińiz ben jattyqtyrýshylaryńyzǵa, sondaı-aq qoldaý kórsetken ata-analaryńyzǵa alǵys aıtamyn», dep jazdy ol.