Qazaqstandaǵy qarjy sektorynyń damýy turaqty

Keshe Memleket basshysy Nursultan Nazarbaev ótkizgen keńeste Ulttyq Banktiń esebi qaraldy, dep habarlady Prezıdenttiń baspasóz qyzmeti. Keńeske Prezıdent Ákim­shi­liginiń Basshysy N.Nyǵ­ma­týlın, Ulttyq Bank tóraǵasy Q.Kelimbetov, Premer-Mı­nıstrdiń orynbasary – Qa­r­jy mınıstri B.Sultanov, Prezı­denttiń ekonomıkalyq máse­le­ler jónindegi kómekshisi E.Oryn­­baev, Ekonomıka jáne bıýd­­jettik josparlaý mınıstri E.Do­saev, sondaı-aq, Ulttyq Bank tóraǵasynyń orynbasarlary qa­tysty. Keńes barysynda elimizdiń qar­jy sektorynyń qazirgi má­se­leleri men mindetteri talqy­la­nyp, Ulttyq Banktiń 2013 jylǵy jáne 2014 jyldyń alǵashqy toq­sanyndaǵy esebi tyńdaldy. Memleket basshysy jalpy búgingi kúni eldegi qarjy sek­torynyń damýyn turaqty dep sıpattaýǵa bolatynyn atap ótti. – Ekonomıkadaǵy nesıeler ótken jylmen salystyrǵanda 13%-ǵa ósti. Halyqtyń de­po­­zıt­teriniń kólemi 10 trıllıon teńgege jetti. Bizdiń eko­no­­mıkalyq qaýipsizdigimizdiń kepili bolyp sanalatyn Ulttyq qor­dyń qarajaty bir jyl ishinde 22%-ǵa derlik artyp, 70 mıllıard dollarǵa ulǵaıdy. Zeınetaqy aktıvterin Biryńǵaı jınaqtaýshy zeınetaqy qoryna biriktirý úderisi aıaqtaldy. Saqtandyrý naryǵy da ósip jatyr, onyń aktıvteri esepti kezeńde 18%-ǵa artty. Qarjy salasyn odan ári nyǵaıtýda júıeli qadamdar jasaý úshin Ulttyq Bank Úkimetpen birlesip, Qarjy sektoryn damytýdyń 2030 jylǵa deıingi tu­jyrymdamasyn ázirleýde. Bul jumysty bıylǵy maýsymǵa qaraı aıaq­taý kerek, – dedi Nursultan Nazarbaev. Q.Kelimbetov Ulttyq Bankke júktelgen mindetterdiń oryndalý barysy týraly, atap aıtqanda, qarjy-nesıe saıasatyn iske asy­rý jáne qarjy júıesiniń turaq­tylyǵyn qamtamasyz etý jóninde baıandady. Keńes qorytyndysynda Memleket basshysy Ulttyq Bank pen Úkimetke ekinshi deńgeıdegi bankter portfelindegi jumys istemeıtin nesıeler deńgeıin azaıtý, bank sektoryn Bazel III kapıtaly standarttaryna ótkizýdi qamtamasyz etý, qarjylyq qyzmet kórsetýde tutynýshylar quqyǵyn qorǵaýdy kúsheıtý jáne olardyń sapasyn arttyrý, sondaı-aq, qundy qaǵazdar naryǵyn damytý jóninde birqatar tapsyrmalar berdi. ----------------------------------------- Sýretti túsirgender S.BONDARENKO, B.OTARBAEV.