О́ńir basshysy Qanat Bozymbaev qala ákimdiginiń aktıvine jańa ákimniń kandıdatýrasyn usyndy. Bolat Baqaýovtyń shaǵyn jáne orta bıznes salasynda basqarýshylyq tájirıbesi mol. Osy ýaqyt ishinde ol ózin kásibı qabileti joǵary, bilikti basqarýshy jáne uıymdastyrýshylyq qabileti bar basshy retinde tanyta bildi, dep atap ótti oblys ákimi. Jańa ákim – 44 jasta.
Buǵan deıin Pavlodar qalasynyń ákimi bolǵan Orazkeldi Qaıyrgeldınov oblys ákiminiń apparatyna basqarýshylyq qyzmetke aýysty. Jalpy, Orazkeldi Álıǵazyuly – Qashyr aýdanyn, Aqsý qalasyn basqarǵan jumys tájirıbesi mol basshy. Sáıkestigi sol, buǵan deıin Bolat Baqaýov ta Qaıyrgeldınovten keıin Qashyr aýdanyn, Aqsý qalasyn basqardy.
Aktıv jınalysynda oblys ákimi jańadan taǵaıyndalǵan qala ákimi Bolat Baqaýovqa oblys ortalyǵyn áleýmettik-ekonomıkalyq turǵydan damytý, qalany abattandyrý jumystaryn odan ári jalǵastyrý jóninde birqatar tapsyrmalar berdi.
Farıda BYQAI,
«Egemen Qazaqstan».
PAVLODAR.