Jaqynda Qazaqstan Respýblıkasynyń Brazılııa Federatıvtik Respýblıkasyndaǵy Tótenshe jáne ókiletti elshisi, Argentına Respýblıkasy men Chılı Respýblıkasynda elshi qyzmetin qosa atqarýshy Baqytjan Ordabaev Ýrýgvaı Shyǵys Respýblıkasynyń Syrtqy baılanystar mınıstri Lýıs Almagro Lemespen arnaıy kezdesý ótkizdi, dep habarlady QR SIM-iniń baspasóz qyzmeti.
Kezdesý barysynda saıası, ekonomıkalyq jáne mádenı salalardaǵy ekijaqty qatynastardy damytý, sondaı-aq, halyqaralyq uıymdardaǵy ózara yqpaldastyq máseleleri talqylandy.
Kezdesý aıasynda B.Ordabaev ýrýgvaılyq SIM basshysyn Qazaqstan Prezıdenti N.Nazarbaevtyń 2014 jylǵy naýryz aıyndaǵy Gaagada ótken Iаdrolyq qaýipsizdik sammıtindegi sózimen jáne Qazaqstannyń ıadrolyq qarýdan bas tartý jáne ony taratpaý salasyndaǵy bastamalarymen tanystyrdy.
Mınıstr L.Almagro óz kezeginde Ýrýgvaı ıadrosyz memleket bolyp tabylatynyn jetkize otyryp, Qazaqstannyń bul baǵyttaǵy dáıekti áreketterin joǵary baǵalaıtynyn málimdedi.
Sondaı-aq, kezdesýde qazaqstandyq dıplomat ýrýgvaılyq taraptyń BUU QK-niń Turaqty emes múshesi bolýyna Qazaqstannyń úmitkerligin qoldaǵanyna alǵysyn bildire otyryp, osy máselege qatysty Ýrýgvaı mınıstriniń atyna joldanǵan Qazaqstan Syrtqy ister mınıstri E.Ydyrysovtyń alǵys hatyn tabys etti.
Kelissózder nátıjesinde taraptar ekijaqty únqatysýda 2014 jylǵy maýsymda Paragvaıda ótetin Amerıka memleketteri uıymy Bas assambleıasynyń 44-shi otyrysy alańynda jalǵastyrýǵa ýaǵdalasty.
* * *
Qazaqstan Respýblıkasynyń Tájikstan Respýblıkasyndaǵy Tótenshe jáne ókiletti elshisi Aǵybaı Smaǵulov Tájikstan Respýblıkasynyń Syrtqy ister mınıstri Sırodjıddın Aslovpen kezdesti.
Qazaqstan elshisi tájikstandyq SIM basshysyna 2017-2018 jyldar kezeńindegi BUU Qaýipsizdigi Keńesiniń turaqty emes músheligine Qazaqstannyń kandıdatýrasyn qoldaǵany úshin Tájikstanǵa rızashylyq bildirgen Qazaqstan Syrtqy ister mınıstri Erlan Ydyrysovtyń jeke joldaýyn tapsyrdy.
Dostyq sıpattaǵy suhbat barysynda taraptar ózara is-qımyldardaǵy saıası deńgeıdiń joǵarylyǵyn, dostas eki el basshylarynyń óńirlik jáne halyqaralyq bastamalaryn ózara qoldap otyrýdyń dástúrge aınalǵandyǵyn erekshe atap ótisti.
Sondaı-aq, ekijaqty saıası, saýda-ekonomıkalyq, ınvestısııalyq, mádenı-gýmanıtarlyq yntymaqtastyqtyń ózekti máseleleri talqylandy. Taraptar Tájikstan Syrtqy ister mınıstriniń Qazaqstanǵa jasaıtyn aldaǵy resmı saparynyń qazaq-tájik qatynastarynyń damýyna qarqyn berip, ekijaqty jáne kópjaqty pishindegi yntymaqtastyqtyń keleshegin talqylaýǵa jol ashatynyna senim bildirdi.