Ulytaý aýdanynda 8-10-synyptardyń oqýshylary arasynda ótken «Úzdik bloger» baıqaýynda Nazerke Ábjamal top jaryp shyqty. Daryndy jas qazylar alqasynyń talqysyna «Meniń ómirimniń bir kúni» atty blogyn usynǵan bolatyn.
Jeńimpazdyń bes mınýttan turatyn rolıginde qolǵa alǵan taqyryp keńinen qamtylǵan. Mysaly, óziniń eńbeginde ol bir kúndik kesteni kórsetip qana qoımaı, bilim jolyndaǵy izdenisiniń de jaı-japsaryn jan-jaqty asha alǵan.
Nazerke Abjamal Ulytaýdaǵy №1 tirek mektebiniń 9-synybynda oqıdy.
– Besinshi synyptan bastap beınetúsirilim men áleýmettik jelilerdegi óz rolıkterimdi jarnamalaýmen aınalysyp kelemin. Bir jyldan beri mekteptiń Instagram-paraqshasyn júrgizemin, – deıdi Nazerke.
Baıqaýdy uıymdastyrýshylardyń biri Ulytau Media School jas jýrnalıster men blogerler jetekshisi Dýman Áden saıysta 56 úmitkerdiń baq synaǵanyn aıtady.
– Baıqaý «Balalar jyly» aıasynda uıymdastyrylyp, 56 qatysýshynyń arasynan 33 oqýshynyń blogtary tańdap alyndy. Olardyń jumystaryn quramyna bilikti mamandar engen qazylar alqasy baǵalady. Birinshi oryndy №1 tirek mektebiniń oqýshysy Nazerke Ábjamal alsa, ekinshi júldeni №11 JBBOM 8-synyp oqýshysy Gúlzat Shúkirova jáne úshinshi oryndy №1 tirek mektebiniń 10-synyp oqýshysy Marjan Shabaz ıelendi, – dedi ol.
Jeńimpazdar men júldegerler dıplomdarmen jáne baǵaly syılyqtarmen marapattaldy. Sondaı-aq baıqaýdyń jeńimpazy «Ult uıasy – Ulytaý» týrıstik ólketaný ekspedı-
sııasyna joldama alsa, ekinshi jáne úshinshi júlde ıegerleri «Dala LIFE» etnolagerinde demalatyn boldy.
QARAǴANDY