Almatyda oryn alǵan jantúrshigerlik jol apatynan bir adam qaza taýyp, 4 adam aýrýhanaǵa jatqyzyldy, dep habarlaıdy Egemen.kz.
Jol apaty beınelengen beınebaıan áleýmettik jelide paıda boldy. Almaty qalalyq Polısııa departamentiniń málimetinshe, oqıǵa 19 mamyrda túngi saǵat 23:45 shamasynda bolǵan.
«Toyota Gracia» kóliginiń 2001 jylǵy júrgizýshisi ál-Farabı dańǵylymen batys baǵytta júrip bara jatyp, kólik tizginine ıe bola almaı qalǵan. Osylaısha júrgizýshi beton jıektasqa soǵylyp, keıin ál-Farabı dańǵylynyń boıymen júrip, 1994 jyly týǵan júrgizýshiniń basqarýyndaǵy «Chevrolet» markaly avtokóligimen soqtyǵysqan. Ári qaraı ol jarnamalyq taqtanyń metall tiregine kirip ketken», dedi Almaty qalalyq PD anyqtaý basqarmasynyń bastyǵy Oljas Sháripov.
Jol-kólik apatynyń saldarynan «Toyota Gracia» kóliginiń 2001 jyly týǵan jolaýshysy oqıǵa ornynda qaza tapty, kólikte bolǵan tórt adam, onyń ishinde júrgizýshi de ártúrli dene jaraqattarymen aýrýhanaǵa jetkizildi.
Bul derek QR Qylmystyq kodeksiniń 345-baby 3-bóligi boıynsha sotaldy tergep-tekserýdiń biryńǵaı tizilimine tirkeldi.