Osydan 21 jyl buryn Elbasynyń Mońǵolııaǵa jasaǵan alǵashqy saparynda tolǵaý jyryn shyrqaǵan 17 jasar Merýesh qyz qazir Qaraǵandyda turady eken. Merýeshti redaksııaǵa shaqyryp, tolǵaýdy taǵy bir tyńdadyq.
«Baıan-О́lgıı aımaǵynyń Mızamhan bastaǵan azamattary Qazaqstan delegasııasyna qonaqasy berýdi paryz sanapty. Kók táńiri rezıdensııasynyń ishinen olar da 12 qanat qazaqy kıiz úı tigipti. Úıdiń oıý-órnegi aıtyp jetkizgisiz. Sol jerde úkili dombyra alyp, ózi de úlbirep turǵan Merýesh Bashaıqyzy degen qaryndasymyz Qazaqstan Prezıdentine arnaý aıtty. Prezıdent talaı arnaýdy estip júrgeni belgili. Biraq atajurttan alystaǵy jurttyń saǵynyshy, ańsaýy, óksigi, ókinishi, úmiti, bolashaǵy jatqan bul arnaýdyń jóni bólek boldy. Naz da bar, bazyna da bar, tilek te bar, qaısarlyq ta bar. Bári-bári daýsy eren, áni eren, sózi ǵalamat osy arnaýdan tabylar edi. Bul Elbasynyń 1993 jyldyń kúzinde Mońǵolııaǵa jasaǵan saparynyń barysyn «Egemen Qazaqstanda» jarııalaǵan Qaınar Oljaıdyń saparnamalyq ocherkinen úzindi.
Cuńǵat ÁLIPBAI,
Sýretterdi túsirgen Erlan OMAROV